![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/de/Coix_lacryma-jobi1.jpg/640px-Coix_lacryma-jobi1.jpg&w=640&q=50)
Balantakan
From Wikipedia, the free encyclopedia
Ing balantakan (Coix lacryma-jobi), a king Ingles, ausan dang Job's Tears, Coixseed, adlay, o adlai, metung yang matas a tanaman kareng mangapaling lugal a mamungang binutil ibat king familiang Poaceae (familia da reng dikut) a tubu king Aslagang Asia ampong peninsular Malaysia. Kareng aliwang lugal, tatanam de kareng mula antimong tanaman a annual o banuahan. Megi neng karaniwan a tanaman kareng mangapaling lugal king mauling dake ning Estados Unidos ampo king Bayung Yatu o New World. Maralas, pisasali da la reng balantakan king makabaligong lagiung Chinese pearl barley kareng Asian supermarket king America, lipat ning ing C. lacryma-jobi e ne kapareu genus ning barley o Hordeum vulgare.
Balantakan | ||||||||||||||
---|---|---|---|---|---|---|---|---|---|---|---|---|---|---|
![]() | ||||||||||||||
Scientific classification | ||||||||||||||
| ||||||||||||||
Binomial name | ||||||||||||||
Coix lacryma-jobi L. | ||||||||||||||
Synonyms | ||||||||||||||
Coix agrestis Lour. |
Adua lang variety ning species deng tatanam da. Ing Coix lacryma-jobi var. lacryma-jobi atin yang mangaragul a pseudocarp a masias ampong maputing anting perlas, at maki tabas a tulungkaba (oval), at magagamit kareng kwintas ampong rosario ampong aliwang bage. Ing Coix lacryma-jobi var. ma-yuen pupupulan de antimong binutil, at gagamitan deng panulu kareng mapilang dake ning Asia.