![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/e6/Heart-and-lungs.jpg/640px-Heart-and-lungs.jpg&w=640&q=50)
Baga
From Wikipedia, the free encyclopedia
Ing baga ing pekamaulaga nang dake king pangisnawa kareng vertebrate a mangisnawang angin. Ing pekamaulaga nang gamit yapin ing pamagdala king oxygen manibat king kiluwal papunta king pupulayan ning daya, at magluwal carbon dioxide manibat king daralanan ning daya palwal. Agagawa na iti kapamilatan ning metung a mosaic da reng makabukud a cell a bibilug milyun-milyung mangalatiktik at misna kaimpis a suput-suputan a yangin (air sac) nung nu malilyari ing gas exchange. Magagamit la murin kareng bageng e konektadu king pamangisnawa deng baga.
![Thumb image](http://upload.wikimedia.org/wikipedia/commons/thumb/e/e6/Heart-and-lungs.jpg/320px-Heart-and-lungs.jpg)
![Thumb image](http://upload.wikimedia.org/wikipedia/commons/thumb/a/a2/Lungs.gif/320px-Lungs.gif)
Magumpisa la king pulmo- deng katayang pang-medicinang maki kaugnayan king baga. Ibat ya iti king amanung Latin a pulmonarius ("of the lungs"), a kapareu na penibatan ning amanung Griyegu a pleumon ("baga").