Ninoy Aquino

Si Benigno "Ninoy" Simeon Aquino Jr., QSC, CLH, KGCR (Nobyembre 27, 1932 - Agosto 21, 1983) sakey ya Pilipino ya politiko ya nanlingkor bilang senador na Pilipinas (1967 - 1972) tan gobernador na luyag na Tarlac. Si Aquino so asawa nen Corazon Aquino, ya nagmaliw ya koma-11 ya presidente na Pilipinas kayari na impamatey ed sikato, tan ama nen Benigno Aquino III, ya nagmaliw ya koma-15 ya presidente na Pilipinas. Si Aquino, a kaiba to ray Gerardo Roxas tan Jovito Salonga, so tinmulong ed impangiletneg na liderato na oposisyon ed si Presidente Ferdinand Marcos. Sikato so importantin lider a kaiba so intelektual a lider ya si Sen. Jose W. Diokno so angidaulo ed amin ya oposisyon.

Ninoy Aquino
Si Aquino nen 1980s
Inianak	Benigno Simeon Aquino Jr. (1932-11-27)Nobyembre 27, 1932 Concepcion, Tarlac, Pilipinas
Inatey	Agosto 21, 1983(1983-08-21) (edad 50) Manila International Airport, Metro Manila, Pilipinas
Say sengegan na impatey	Assassination
Lubok	Manila Memorial Park – Sucat, Parañaque, Pilipinas
Alma mater	Unibersidad na Ateneo de Manila Unibersidad na Pilipinas Diliman
Pirma

Diad gapo na karera to ed Senado, si Aquino so mapekder a nan-imbestiga ed impamatey ed Jabidah nen Marso 1968.^[1] Ag-abayag kayari impangiyan na martial law nen 1972, si Aquino so inaresto a kaiba so arum nin membro na oposisyon. Sikatoy impriso ed loob na pitoran taon. Sikatoy adeskribe bilang "sankabkabat a priso ed politika" nen Marcos.^[2] Inletneg to so dilin partido to, say Lakas ng Bayan tan nanlapuan to ed 1978 ya eleksyon ed parlamento na Pilipinas, balet amin ya kandidato na partido so atalo ed eleksion. Nen 1980, sikatoy inabuloyan nen Marcos a manbiahe paonlad Estados Unidos pian manpatambal kayari impansakit na puso. Diad kagapo na dekada 1980, sikatoy nagmaliw a sakey ed saray sankamanunaan ya kritiko na rehimen nen Marcos, tan nagmaliw a popular ed interon U.S. lapud dakel ya miting ya inatendian to ed saman.

Legan ya onloloor so situasyon ed Pilipinas, nandesisyon si Aquino ya ompawil pian milaban ed si Marcos tan ipawil so demokrasya ed bansa, anggano dakel so mamapasegsegang ed sikato. Sikatoy pinatey diad Manila International Airport nen Agosto 21, 1983, sanen pinmawil manlapud impangipaway to ed sarili to. Say impatey to so amabiskeg lamet ed isusumpa ed si Marcos; pinapawil to met so balo ton bii, si Corazon, ed political limelight tan tinmulong ed sikaton matalona a man-elektod anem taon ya termino bilang presidente bilang sakey a membro na United Nationalist Democratic Organization (UNIDO) diad 1986 snap election.

Saray reperensiya

1. Vitug, Marites Dañguilan; Gloria, Glenda M. (2000). Under the Crescent Moon. Ateneo Center for Social Policy & Public Affairs. p. 3. ISBN 971-91679-7-1. Retrieved November 10, 2022. ...Benigno Aquino Jr., using his deft journalistic skills, put some of the pieces of the Jabidah puzzle together, but the picture remained incomplete. Nevertheless, [...] Aquino's was the most thorough investigation.
2. Amado Mendoza Jr (September 29, 2011). "People Power'in the Philippines, 1983–86". In Sir Adam Roberts; Timothy Garton Ash (eds.). Civil Resistance and Power Politics: The Experience of Non-violent Action from Gandhi to the Present. OUP Oxford. p. 155. ISBN 978-0-19-161917-5.

This article is a is a stub. You can help Wikipedia by expanding it.