ਅਬਦੁਲ ਗ਼ਫ਼ਾਰ ਖ਼ਾਨ
From Wikipedia, the free encyclopedia
ਖ਼ਾਨ ਅਬਦੁਲ ਗੱਫਾਰ ਖ਼ਾਨ (ਪਸ਼ਤੋ: خان عبدالغفار خان; 1890 – 20 ਜਨਵਰੀ 1988) ਫ਼ਖਰ-ਏ-ਅਫ਼ਗਾਨ (Urdu: فخر افغان), ਅਤੇ ਬਾਚਾ ਖ਼ਾਨ (ਪਸ਼ਤੋ: باچا خان, ਯਾਨੀ " ਸਰਦਾਰਾਂ ਦਾ ਬਾਦਸ਼ਾਹ"), ਪੱਚਾ ਖ਼ਾਨ ਜਾਂ ਬਾਦਸ਼ਾਹ ਖ਼ਾਨ ਪਸ਼ਤੂਨ ਭਾਈਚਾਰੇ ਨਾਲ ਸੰਬੰਧਿਤ ਬਰਤਾਨਵੀ ਭਾਰਤ ਦਾ ਇੱਕ ਰਾਜਨੀਤਕ ਅਤੇ ਅਧਿਆਤਮਕ ਲੀਡਰ ਸੀ। ਉਹ ਮਹਾਤਮਾ ਗਾਂਧੀ ਦਾ ਇੱਕ ਗੂੜ੍ਹਾ ਦੋਸਤ ਸੀ ਅਤੇ ਉਸਨੂੰ ਸਰਹੱਦੀ ਗਾਂਧੀ ਵੀ ਕਿਹਾ ਜਾਂਦਾ ਹੈ। ਉਹ ਭਾਰਤੀ ਉਪ ਮਹਾਦੀਪ ਵਿੱਚ ਬਰਤਾਨਵੀ ਸ਼ਾਸਨ ਦੇ ਵਿਰੁੱਧ ਜਦੋਜਹਿਦ ਵਿੱਚ ਅਹਿੰਸਾ ਦੇ ਪ੍ਰਯੋਗ ਲਈ ਪੱਕੇ ਪੁਰਅਮਨ ਸੰਘਰਸ਼ ਦੇ ਸਮਰਥਕ ਵਜੋਂ ਜਾਣਿਆ ਜਾਂਦਾ ਹੈ। ਉਹ ਪੱਕਾ ਨੇਮੀ ਮੁਸਲਮਾਨ ਸੀ।[1] 1910 ਵਿੱਚ ਬੱਚਾ ਖ਼ਾਨ ਨੇ ਆਪਣੇ ਜੱਦੀ ਨਗਰ ਉਤਮਾਨਜ਼ਾਈ ਵਿੱਚ ਮਦਰੱਸਾ ਖੋਲ੍ਹ ਲਿਆ, ਅਤੇ 1911 ਵਿੱਚ ਤੁਰੰਗਜ਼ਾਈ ਦੇ ਹਾਜੀ ਸਾਹਿਬ ਦੀ ਆਜ਼ਾਦੀ ਤਹਿਰੀਕ ਵਿੱਚ ਸ਼ਾਮਲ ਹੋ ਗਿਆ। ਲੇਕਿਨ 1915 ਵਿੱਚ ਬਰਤਾਨਵੀ ਹਕੂਮਤ ਨੇ ਉਸਦੇ ਮਦਰੱਸੇ ਤੇ ਪਾਬੰਦੀ ਲਾ ਦਿੱਤੀ।[2] ਇੱਕ ਸਮੇਂ ਉਸ ਦਾ ਸੁਪਨਾ ਸੰਯੁਕਤ, ਸੁਤੰਤਰ ਅਤੇ ਧਰਮਨਿਰਪੱਖ ਭਾਰਤ ਸੀ। ਇਸਦੇ ਲਈ ਉਸਨੇ 1920 ਵਿੱਚ ਖੁਦਾਈ ਖਿਦਮਤਗਾਰ ਨਾਮ ਦੇ ਸੰਗਠਨ ਦੀ ਸਥਾਪਨਾ ਕੀਤੀ। ਇਹ ਸੰਗਠਨ ਲਾਲ ਕੁੜਤੀ ਜਾਂ ਬਾਦਸ਼ਾਹ ਦੇ ਨਾਮ ਨਾਲ ਵੀ ਜਾਣਿਆ ਜਾਂਦਾ ਹੈ।
ਫ਼ਖਰ-ਏ-ਅਫ਼ਗਾਨ ਖ਼ਾਨ ਅਬਦੁਲ ਗਫਾਰ ਖ਼ਾਨ ਬਾਚਾ ਖ਼ਾਨ | |
---|---|
ਪਸ਼ਤੋ: خان عبدالغفار خان | |
ਜਨਮ | 1890 ਹਸ਼ਤਨਗਰ, ਬਰਤਾਨਵੀ ਭਾਰਤ, (ਹੁਣ ਪਾਕਿਸਤਾਨ) |
ਮੌਤ | (1988-01-20)20 ਜਨਵਰੀ 1988 (ਉਮਰ 97–98) ਪੇਸ਼ਾਵਰ, ਖੈਬਰ ਪਖਤੂਨਵਾਲਾ, ਪਾਕਿਸਤਾਨ |
ਕਬਰ | ਜਲਾਲਾਬਾਦ, ਨੰਗਾਰਹਰ, ਅਫਗਾਨਿਸਤਾਨ |
ਸੰਗਠਨ | ਖੁਦਾਈ ਖਿਦਮਤਗਾਰ, ਭਾਰਤੀ ਰਾਸ਼ਟਰੀ ਕਾਂਗਰਸ, ਪਾਕਿਸਤਾਨ ਸੋਸਲਿਸਟ ਪਾਰਟੀ, ਨੈਸ਼ਨਲ ਅਵਾਮੀ ਲੀਗ |
ਲਹਿਰ | ਖੁਦਾਈ ਖਿਦਮਤਗਾਰ, ਭਾਰਤ ਦੀ ਆਜ਼ਾਦੀ ਤਹਿਰੀਕ |
ਜੀਵਨ ਸਾਥੀ |
Meharqanda Kinankhel
(ਵਿ. 1912–1918)Nambata Kinankhel
(ਵਿ. 1920–1926) |
ਬੱਚੇ | ਅਬਦੁਲ ਗਨੀ ਖ਼ਾਨ ਅਬਦੁਲ ਵਲੀ ਖ਼ਾਨ ਸਰਦਾਰੋ ਮੇਹਰ ਤਾਜਾ ਅਬਦੁਲ ਅਲੀ ਖ਼ਾਨ |
ਮਾਤਾ-ਪਿਤਾ | ਬਹਰਾਮ ਖ਼ਾਨ |
ਪੁਰਸਕਾਰ | ਐਮਨੈਸਟੀ ਇੰਟਰਨੈਸ਼ਨਲ ਸਾਲ ਦਾ ਜਮੀਰ ਦਾ ਕੈਦੀ, ਕੌਮਾਂਤਰੀ ਸੂਝਬੂਝ ਲਈ ਜਵਾਹਰਲਾਲ ਨਹਿਰੂ ਇਨਾਮ, ਭਾਰਤ ਰਤਨ |