![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/63/Henryk_sienkiewicz_by_kazimierz_pochwalski.png/640px-Henryk_sienkiewicz_by_kazimierz_pochwalski.png&w=640&q=50)
ਹੈਨਰਿਕ ਸੈਂਕੀਏਵਿੱਚ
From Wikipedia, the free encyclopedia
ਹੈਨਰਿਕ ਆਦਮ ਅਲੈਗਸਾਂਦਰ ਪਿਊਸ ਸੈਂਕੀਏਵਿੱਚ, Henryk Adam Aleksander Pius Sienkiewicz (ਪੋਲੈਂਡੀ: [ˈxɛnrɨk ˈadam alɛˈksandɛr ˈpʲus ɕɛnˈkʲevʲit͡ʂ]; ਉਪਨਾਮ "ਲਿਟਵਸ" ਪੋਲੈਂਡੀ ਉਚਾਰਨ: [ˈlitfɔs]; 5 ਮਈ 1846 – 15 ਨਵੰਬਰ 1916) ਇੱਕ ਪੋਲਿਸ਼ ਪੱਤਰਕਾਰ, ਨਾਵਲਕਾਰ ਅਤੇ ਨੋਬਲ ਇਨਾਮ ਜੇਤੂ ਹੈ। ਉਸ ਦੇ ਇਤਿਹਾਸਕ ਨਾਵਲਾਂ ਲਈ, ਵਿਸ਼ੇਸ਼ ਤੌਰ 'ਤੇ ਉਸ ਦੇ ਅੰਤਰਰਾਸ਼ਟਰੀ ਤੌਰ ਤੇ ਜਾਣੇ ਜਾਂਦੇ ਸਭ ਤੋਂ ਵੱਧ ਵਿਕਣ ਵਾਲੇ ਕੂਓ ਵਾਡਿਸ (1896) ਲਈ ਉਸ ਨੂੰ ਸਭ ਤੋਂ ਵੱਧ ਯਾਦ ਕੀਤਾ ਜਾਂਦਾ ਹੈ।
ਹੈਨਰਿਕ ਸੈਂਕੀਏਵਿੱਚ | |
---|---|
![]() ਸੈਂਕੀਏਵਿੱਚ, 1890 | |
ਜਨਮ | ਹੈਨਰਿਕ ਆਦਮ ਅਲੈਗਸਾਂਦਰ ਪਿਊਸ ਸੈਂਕੀਏਵਿੱਚ (1846-05-05)5 ਮਈ 1846 ਵੋਲਾ ਓਰਕਜ਼ੇਸਕਾ , ਕਾਂਗਰਸ ਪੋਲੈਂਡ |
ਮੌਤ | 15 ਨਵੰਬਰ 1916(1916-11-15) (ਉਮਰ 70) ਵੇਵੇ, ਸਵਿਟਜ਼ਰਲੈਂਡ |
ਕਿੱਤਾ | ਪੱਤਰਕਾਰ, ਨਾਵਲਕਾਰ |
ਭਾਸ਼ਾ | ਪੋਲਿਸ਼ |
ਰਾਸ਼ਟਰੀਅਤਾ | ਪੋਲਿਸ਼ |
ਕਾਲ | 19ਵੀਂ–20ਵੀਂ ਸਦੀ |
ਪ੍ਰਮੁੱਖ ਕੰਮ |
|
ਪ੍ਰਮੁੱਖ ਅਵਾਰਡ | ਸਾਹਿਤ ਲਈ ਨੋਬਲ ਇਨਾਮ 1905 |
ਦਸਤਖ਼ਤ | |
![]() |
1860 ਵਿਆਂ ਦੇ ਅਖੀਰ ਵਿੱਚ ਰੂਸੀ-ਸ਼ਾਸਤ ਕਾਂਗਰਸ ਪੋਲੈਂਡ ਦੇ ਇੱਕ ਗ਼ਰੀਬ ਪਰਿਵਾਰ ਵਿੱਚ ਪੈਦਾ ਹੋਏ, ਉਸਨੇ ਪੱਤਰਕਾਰੀ ਅਤੇ ਸਾਹਿਤਕ ਰਚਨਾਵਾਂ ਨੂੰ ਛਾਪਣਾ ਸ਼ੁਰੂ ਕੀਤਾ। 1870 ਵਿਆਂ ਦੇ ਅਖੀਰ ਵਿੱਚ ਉਸਨੇ ਸੰਯੁਕਤ ਰਾਜ ਅਮਰੀਕਾ ਦੀ ਯਾਤਰਾ ਕੀਤੀ ਅਤੇ ਉਥੋਂ ਅਜਿਹੇ ਲੇਖ ਭੇਜੇ ਜਿਨ੍ਹਾਂ ਨਾਲ ਉਸ ਨੇ ਪੋਲਿਸ਼ ਪਾਠਕਾਂ ਵਿੱਚ ਤਕੜੀ ਪ੍ਰਸਿੱਧੀ ਹਾਸਲ ਕੀਤੀ। 1880 ਦੇ ਦਹਾਕੇ ਵਿੱਚ ਉਸ ਨੇ ਨਾਵਲ ਲੜੀਆਂ ਦੀ ਸ਼ੁਰੂਆਤ ਕੀਤੀ ਜਿਨ੍ਹਾਂ ਨੇ ਉਸਦੀਪ੍ਰਸਿੱਧੀ ਨੂੰ ਹੋਰ ਵਧਾ ਦਿੱਤਾ। ਉਹ ਛੇਤੀ ਹੀ 19 ਵੀਂ ਅਤੇ 20 ਵੀਂ ਸਦੀ ਦੇ ਪ੍ਰਸਿੱਧ ਪੋਲਿਸ਼ ਲੇਖਕਾਂ ਵਿੱਚੋਂ ਇੱਕ ਬਣ ਗਿਆ ਅਤੇ ਹੋਏ ਅਨੇਕ ਅਨੁਵਾਦਾਂ ਨਾਲ ਉਸ ਨੂੰ ਅੰਤਰਰਾਸ਼ਟਰੀ ਪ੍ਰਸਿੱਧੀ ਪ੍ਰਾਪਤ ਹੋਈ, ਅਤੇ "ਇੱਕ ਐਪਿਕ ਲੇਖਕ ਦੇ ਤੌਰ ਤੇ ਵਧੀਆ ਯੋਗਤਾਵਾਂ" ਲਈ 1905 ਦਾ ਸਾਹਿਤ ਲਈ ਨੋਬਲ ਪੁਰਸਕਾਰ ਪ੍ਰਾਪਤ ਕਰਨ ਦੇ ਨਤੀਜੇ ਵਜੋਂ ਉਸ ਦੀ ਪ੍ਰਸਿੱਧੀ ਨਵੀਆਂ ਬੁਲੰਦੀਆਂ ਛੂਹ ਗਈ।
ਉਸਦੇ ਬਹੁਤ ਸਾਰੇ ਨਾਵਲ ਛਪਾਈ ਵਿੱਚ ਰਹਿੰਦੇ ਹਨ। ਪੋਲੈਂਡ ਵਿੱਚ ਉਹ ਇਤਿਹਾਸਿਕ ਨਾਵਲਾਂ ਦੇ "ਤਿੱਕੜੀ" ਲਈ ਮਸ਼ਹੂਰ ਹੈ - ਜਿਸ ਵਿੱਚ 'ਅੱਗ ਤੇ ਤਲਵਾਰ', 'ਪਰਲੋ' ਅਤੇ 'ਸਰ ਮਾਈਕਲ' ਜਿਸ ਦਾ ਦੇਸ਼ਕਾਲ 17 ਵੀਂ ਸਦੀ ਦਾ ਪੋਲਿਸ਼-ਲਿਥੁਆਨੀਅਨ ਰਾਸ਼ਟਰਮੰਡਲ ਹੈ; ਅੰਤਰਰਾਸ਼ਟਰੀ ਤੌਰ ਤੇ ਉਹ ਨੀਰੋ ਦੇ ਰੋਮ ਵਿੱਚ ਸਥਾਪਤ ਕੂਓ ਵਾਡਿਸ ਲਈ ਸਭ ਤੋਂ ਮਸ਼ਹੂਰ ਹੈ। ਤਿੱਕੜੀ ਅਤੇ ਕੂਓ ਵਾਡਿਸ ਨੂੰ ਫਿਲਮਾਇਆ ਜਾ ਚੁੱਕਾ ਹੈ ਮਗਰਲੇ ਨੂੰ ਤਾਂ ਕਈ ਵਾਰ, ਜਦ ਕਿ ਹਾਲੀਵੁੱਡ ਦੇ 1951 ਦੇ ਵਰਜ਼ਨ ਨੂੰ ਸਭ ਤੋਂ ਵੱਧ ਅੰਤਰਰਾਸ਼ਟਰੀ ਮਾਨਤਾ ਪ੍ਰਾਪਤ ਹੋਈ ਹੈ।