From Wikipedia, the free encyclopedia
ਹਾਨਾਮੀ (花見 , "ਫੁੱਲ ਦੇਖਣਾ") ਫੁੱਲਾਂ ਦੀ ਅਸਥਾਈ ਸੁੰਦਰਤਾ ਦਾ ਅਨੰਦ ਲੈਣ ਦਾ ਜਪਾਨੀ ਰਵਾਇਤੀ ਤਿਓਹਾਰ ਹੈ; ਫੁੱਲ (ਹਾਨਾ) ਇਸ ਸਥਿਤੀ ਵਿੱਚ ਲਗਭਗ ਹਮੇਸ਼ਾਂ ਚੈਰੀ (ਸਕੂਰਾ) ਜਾਂ ਘੱਟ ਅਕਸਰ, ਆਲੂ ਬੁਖ਼ਾਰਾ (ਉਮ) ਦੇ ਰੁੱਖਾਂ ਦੇ ਹੁੰਦੇ ਹਨ।[1] ਮਾਰਚ ਦੇ ਅੰਤ ਤੋਂ ਲੈ ਕੇ ਮਈ ਦੇ ਅਰੰਭ ਤੱਕ, ਅਤੇ ਫਰਵਰੀ ਦੇ ਪਹਿਲੇ ਮਹੀਨੇ ਦੇ ਆਸ ਪਾਸ ਓਕੀਨਾਵਾ ਟਾਪੂ ਤੇ ਸਕੂਰਾ ਦੇ ਰੁੱਖ ਜਾਪਾਨ ਵਿੱਚ ਖਿੜਦੇ ਹਨ। [2] [3] ਹਰ ਸਾਲ ਜਾਪਾਨ ਦੀ ਮੌਸਮ ਵਿਗਿਆਨ ਏਜੰਸੀ ਖੇੜੇ ਦੀ ਭਵਿੱਖਬਾਣੀ ਕਰਦੀ ਹੈ, ਅਤੇ ਹਾਨਾਮੀ ਦੀ ਯੋਜਨਾ ਬਣਾ ਰਹੇ ਲੋਕ ਇਸਦਾ ਧਿਆਨ ਰੱਖਦੇ ਹਨ ਕਿਉਂਕਿ ਖੇੜਾ ਹਫਤਾ ਜਾਂ ਦੋ ਹਫ਼ਤੇ ਹੀ ਚਲਦਾ ਹੈ।
ਅਜੋਕੇ ਜਾਪਾਨ ਵਿੱਚ ਹਾਨਾਮੀ ਦੇ ਦੌਰਾਨ ਦਿਨੇ ਜਾਂ ਰਾਤ ਨੂੰ ਬਾਹਰ ਸਕੂਰਾ ਦੇ ਹੇਠਾਂ ਜ਼ਿਆਦਾਤਰ ਪਾਰਟੀ ਦੀ ਸ਼ਕਲ ਵਿੱਚ ਮਨਾਇਆ ਜਾਂਦਾ ਹੈ। ਕੁਝ ਪ੍ਰਸੰਗਾਂ ਵਿੱਚ ਸਿਨੋ-ਜਾਪਾਨੀ ਸ਼ਬਦ kan'ō (観桜 , view-cherry) ਦੀ ਵਰਤੋਂ ਵਿਸ਼ੇਸ਼ ਤੌਰ ਤੇ ਤਿਉਹਾਰਾਂ ਲਈ ਕੀਤੀ ਜਾਂਦੀ ਹੈ। ਰਾਤ ਵਾਲ਼ੇ ਜਸ਼ਨਾਂ ਨੂੰ ਹਾਨਾਮੀ ਯੋਜ਼ਾਕੂਰਾ yozakura (夜桜 ) "night sakura" ਕਿਹਾ ਜਾਂਦਾ ਹੈ। ਬਹੁਤ ਸਾਰੀਆਂ ਥਾਵਾਂ 'ਤੇ ਜਿਵੇਂ ਕਿ ਯੇਨੋ ਪਾਰਕ ਦੇ ਅਸਥਾਈ ਕਾਗਜ਼ ਦੇ ਲੈਂਪਯੋਜਾਕੁਰਾ ਦੇ ਉਦੇਸ਼ ਨਾਲ ਲਟਕਾਏ ਜਾਂਦੇ ਹਨ। ਓਕੀਨਾਵਾ ਟਾਪੂ ਤੇ ਸ਼ਾਮ ਦੇ ਅਨੰਦ ਲਈ ਸਜਾਵਟੀ ਇਲੈਕਟ੍ਰਿਕ ਲਾਲਟਣਾਂ ਰੁੱਖਾਂ ਤੇ ਲਟਕਾਈਆਂ ਜਾਂਦੀਆਂ ਹਨ, ਜਿਵੇਂ ਕਿ ਮੋਟਰੋਬੂ ਟਾਊਨ ਨੇੜੇ ਯਾਏ ਪਹਾੜ ਦੀ ਚੜ੍ਹਾਈ ਵਾਲੇ ਦਰੱਖਤਾਂ ਤੇ, ਜਾਂ ਨਕਿਜੀਨ ਕੈਸਲ ਵਿਖੇ।
ਜਪਾਨ ਵਿਚ ਹਨਾਮੀ ਦਾ ਇਕ ਹੋਰ ਪ੍ਰਾਚੀਨ ਰੂਪ ਵੀ ਮੌਜੂਦ ਹੈ, ਜਿਸ ਦੌਰਾਨ ਸਕੂਰਾ ਦੀ ਥਾਂ ਆਲੂ ਬੁਖ਼ਾਰੇ ਦੇ ਫੁੱਲ ਖਿੜਨ (梅ume) ਦੇ ਜਸ਼ਨ ਮਨਾਏ ਜਾਂਦੇ ਹਨ, ਜਿਸ ਨੂੰ umemi (梅見 , plum-viewing) ਕਿਹਾ ਜਾਂਦਾ ਹੈ। ਇਸ ਕਿਸਮ ਦੀ ਹਾਨਾਮੀ ਬੁੱ ਢੇ ਲੋਕਾਂ ਵਿੱਚ ਵੱਧ ਪ੍ਰਸਿੱਧ ਹੈ, ਕਿਉਂਕਿ ਜਸ਼ਨ ਇਹ ਸਕੂਰਾ ਪਾਰਟੀਆਂ ਨਾਲੋਂ ਸ਼ਾਂਤ ਹੁੰਦੇ ਹਨ। ਸਕੂਰਾ ਪਾਰਟੀਆਂ ਵਿੱਚ ਆਮ ਤੌਰ ਤੇ ਨੌਜਵਾਨ ਸ਼ਾਮਲ ਹੁੰਦੇ ਹਨ ਅਤੇ ਕਈ ਵਾਰ ਬਹੁਤ ਭੀੜ ਅਤੇ ਸ਼ੋਰ ਵੀ ਹੋ ਸਕਦਾ ਹੈ।
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.