![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/05/ArdeolaMap.svg/langpa-640px-ArdeolaMap.svg.png&w=640&q=50)
ਛੱਪੜੀ ਬਗਲਾ
From Wikipedia, the free encyclopedia
ਛੱਪੜੀ ਬਗਲਾ ਜਾਂ ਅੰਨ੍ਹਾ ਬਗਲਾ ਵੀ ਕਿਹਾ ਜਾਂਦਾ ਹੈ। ਇਸ ਬਗਲੇ ਨੂੰ ਆਪਣੇ ਅਦਿੱਖ ਹੋਣ ਦਾ ਇੰਨਾ ਭੁਲੇਖਾ ਹੈ ਕਿ ਇਹ ਚੁੱਪਚਾਪ ਆਪਣੀ ਥਾਂ ਉੱਤੇ ਇਹ ਸਮਝ ਕੇ ਖੜ੍ਹਾ ਰਹਿੰਦਾ ਹੈ ਕਿ ਮੈਂ ਤਾਂ ਕਿਸੇ ਨੂੰ ਦਿਸਦਾ ਹੀ ਨਹੀਂ ਇਸ ਦਾ ਨਾਮ ‘ਅੰਨ੍ਹਾ ਬਗਲਾ’ ਰੱਖ ਦਿੱਤਾ। ਇਸ ਨੂੰ ਅੰਗਰੇਜ਼ੀ ਵਿੱਚ ‘ਇੰਡੀਅਨ ਪੌਂਡ ਹੀਰੋਨ’ ਅਤੇ ‘ਪੈਡੀ ਬਰਡ’ ਅਤੇ ਤਕਨੀਕੀ ਨਾਂ ‘ਅਰਡੀਓਲਾ ਗਰੇਈ’ ਹੈ। ਇਹ ਪਾਕਿਸਤਾਨ, ਬੰਗਲਾਦੇਸ਼, ਸ਼੍ਰਿ ਲੰਕਾ ਅਤੇ ਭਾਰਤ ਦੇ ਸਾਰੇ ਮੈਦਾਨੀ ਇਲਾਕਿਆਂ ਵਿੱਚ ਮਿਲਦਾ ਹੈ। ਇਸ ਦਾ ਰੰਗ ਭੂਸਲੇ ਕੱਦ ਦਰਮਿਆਨੇ ਦਾ ਇਸ ਦ ਲੰਬਾਈ 40 ਤੋਂ 45 ਸੈਂਟੀਮੀਟਰ, ਪਰਾਂ ਦਾ ਫੈਲਾਅ 75 ਤੋਂ 90 ਸੈਂਟੀਮੀਟਰ ਅਤੇ ਭਾਰ 250 ਤੋਂ 275 ਗਰਾਮ ਹੁੰਦਾ ਹੈ। ਇਸ ਦੀ ਛਾਤੀ ਸਲੇਟੀ ਭਾ ਵਾਲੀ ਭੂਰੀ ਹੁੰਦੀ ਹੈ। ਘਸਮੈਲੇ ਸਿਰ, ਗ਼ਰਦਨ ਅਤੇ ਛਾਤੀ ਉੱਤੇ ਮੋਟੀਆਂ ਭੂਰੀਆਂ ਟੁੱਟੀਆਂ-ਭੱਜੀਆਂ ਲੀਕਾਂ ਹੁੰਦੀਆਂ ਹਨ। ਪਰਾਂ ਦਾ ਹੇਠਲਾ ਪਾਸਾ ਦੁੱਧ ਚਿੱਟਾ ਅਤੇ ਛੋਟੀ ਪੂਛ ਭੂਰੀ ਹੁੰਦੀ ਹੈ। ਇਨ੍ਹਾਂ ਦੀ ਚੁੰਝ ਨੀਲੀ ਭਾ ਵਾਲੀ ਪੀਲੀ, ਅੱਖਾਂ ਪੀਲੀਆਂ ਅਤੇ ਲੱਤਾਂ ਗੰਧਲੀ ਜਿਹੀ ਹਰੀ ਭਾ ਵਾਲੀਆਂ ਪੀਲੀਆਂ ਹੁੰਦੀਆਂ ਹਨ। ਬਰਸਾਤ ਦੇ ਮੌਸਮ ਇਨ੍ਹਾਂ ਦੀ ਪਿੱਠ ਲਾਖੀ ਭਾ ਵਾਲੀ ਗੂੜ੍ਹੀ ਭੂਰੀ ਹੋ ਜਾਂਦੀ ਹੈ। ਲੱਤਾਂ ਲਾਲ ਭਾ ਮਾਰਨ ਲੱਗ ਪੈਂਦੀਆਂ ਹਨ ਅਤੇ ਸਿਰ ਉੱਤੇ ਚਿੱਟੇ ਲੰਬੇ ਖੰਭ ਉੱਗ ਪੈਂਦੇ ਹਨ।
ਛੱਪਛੀ ਬਗਲਾ | |
---|---|
ਤਸਵੀਰ:।ndian Pond Heron at Cochin.jpg | |
ਬਗਲਾ | |
ਤਸਵੀਰ:।ndian Pond Heron।2।MG 1142.jpg | |
ਬਗਲਾ ਕੋਲਕਾਤਾ ਵਿਖੇ | |
Conservation status | |
LC (।UCN3.1)[1] | |
Scientific classification | |
Kingdom: | ਪੰਛੀ |
Phylum: | ਕੋਰਡੇਟ |
Class: | ਪੰਛੀ |
Order: | ਪੇਲੇਕੈਨੀਫਾਰਮਜ਼ |
Family: | ਅਰਡੀਆਡੇ |
Genus: | ਅਰਡੇਓਲਅ |
Species: | ਏ. ਗ੍ਰਾਈ |
Binomial name | |
ਅਰਡੀਓਲਾ ਗ੍ਰਾਈ (ਕਰਨਲ ਡਬਲਯੂ. ਐਚ. ਸੀਕੇਜ਼]], 1832) | |
![]() | |
Synonyms | |
ਅਰਡੀਓਲਾ ਲਿਉਕੋਪਟੇਰਾ |