ਚੌਕੋੜੀ
From Wikipedia, the free encyclopedia
ਚੌਕੋੜੀ ਪਿਥੌਰਾਗੜ੍ਹ ਜ਼ਿਲ੍ਹੇ ਦਾ ਇੱਕ ਪਹਾੜੀ ਸਟੇਸ਼ਨ ਹੈ ਜੋ ਉੱਤਰਾਖੰਡ, ਭਾਰਤ ਦੇ ਕੁਮਾਊਂ ਡਿਵੀਜ਼ਨ ਵਿੱਚ ਪੱਛਮੀ ਹਿਮਾਲੀਅਨ ਰੇਂਜ ਦੀਆਂ ਉੱਚੀਆਂ ਚੋਟੀਆਂ ਵਿੱਚ ਸਥਿਤ ਹੈ। ਇਸ ਦੇ ਉੱਤਰ ਵੱਲ ਤਿੱਬਤ ਅਤੇ ਦੱਖਣ ਵੱਲ ਤਰਾਈ ਹੈ। ਮਹਾਕਾਲੀ ਨਦੀ, ਇਸਦੀ ਪੂਰਬੀ ਸੀਮਾ ਦੇ ਨਾਲ਼ ਨਾਲ਼ ਵਗਦੀ ਹੈ, ਭਾਰਤ-ਨੇਪਾਲ ਕੌਮਾਂਤਰੀ ਸਰਹੱਦ ਬਣਦੀ ਹੈ। ਇਹ ਸਥਾਨ ਇੱਕ ਪ੍ਰਮੁੱਖ ਸੈਰ-ਸਪਾਟਾ ਸਥਾਨ ਬਣ ਗਿਆ ਹੈ ਅਤੇ ਇੱਥੋਂ ਹਿਮਾਲੀਅਨ ਸ਼੍ਰੇਣੀ ਦਾ ਇੱਕ ਵਿਸ਼ਾਲ ਅਤੇ ਖ਼ੂਬਸੂਰਤ ਨਜ਼ਾਰਾ ਦੇਖਿਆ ਜਾ ਸਕਦਾ ਹੈ। ਸਵੇਰ ਦੇ ਸਮੇਂ ਹਿਮਾਲੀਅਨ ਰੇਂਜ 'ਤੇ ਡਿੱਗਣ ਵਾਲੇ ਸੂਰਜ ਦੀਆਂ ਕਿਰਨਾਂ ਦਾ ਸੁਨਹਿਰੀ ਪੀਲਾ ਰੰਗ ਦੇਖਣ ਯੋਗ ਹੈ। ਇੱਥੇ ਕਾਟੇਜ ਮਿਲ਼ ਜਾਂਦੇ ਹਨ ਜਿੱਥੇ ਕੋਈ ਠਹਿਰ ਸਕਦਾ ਹੈ ਅਤੇ ਸ਼ਾਂਤ ਮਾਹੌਲ ਦਾ ਆਨੰਦ ਲੈ ਸਕਦਾ ਹੈ। ਇਸ ਸਥਾਨ 'ਤੇ ਆਉਣ ਵਾਲੇ ਸੈਲਾਨੀ ਆਮ ਤੌਰ 'ਤੇ ਪਾਤਾਲ ਭੁਵਨੇਸ਼ਵਰ, ਕੌਸਾਨੀ, ਬਾਗੇਸ਼ਵਰ ਅਤੇ ਅਲਮੋੜਾ ਵਰਗੇ ਨੇੜਲੇ ਸੈਰ-ਸਪਾਟਾ ਸਥਾਨਾਂ 'ਤੇ ਵੀ ਜਾਂਦੇ ਹਨ।