![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/b4/Karna_in_Kurukshetra.jpg/640px-Karna_in_Kurukshetra.jpg&w=640&q=50)
ਕਰਣ
From Wikipedia, the free encyclopedia
ਕਰਣ (ਸੰਸਕ੍ਰਿਤ: कर्ण) ਮਹਾਭਾਰਤ ਦੇ ਸਭ ਤੋਂ ਪ੍ਰਮੁੱਖ ਪਾਤਰਾਂ ਵਿੱਚੋਂ ਇੱਕ ਹੈ। ਕਰਣ ਦੀ ਅਸਲੀ ਮਾਂ ਕੁੰਤੀ ਸੀ। ਉਹ ਸੂਰਜ ਦਾ ਪੁੱਤਰ ਸੀ। ਉਸ ਦਾ ਜਨਮ ਕੁੰਤੀ ਦਾ ਪਾਂਡੁ ਦੇ ਨਾਲ ਵਿਆਹ ਹੋਣ ਤੋਂ ਪਹਿਲਾਂ ਹੋਇਆ ਸੀ। ਕਰਨ ਮਹਾਂਭਾਰਤ ਦਾ ਸਭ ਤੋਂ ਵਧੀਆ ਤੀਰਅੰਦਾਜ਼ ਸੀ। ਵਿਆਸ ਦੁਆਰਾ ਰਚਿਤ ਮਹਾਂਭਾਰਤ ਵਿੱਚ ਕਰਨ ਨੂੰ ਬਹੁਤ ਸੁੰਦਰ ਜਾਂ ਪ੍ਰਿਯਦਰਸ਼ਨ ਨਾਲ ਸੰਬੋਧਨ ਕੀਤਾ ਗਿਆ ਹੈ| ਕਰਨ ਕਥਾ ਅਤੇ ਉਸ ਦੀ ਮਹਿਮਾ ਦੇ ਗੀਤ ਸਾਦੀਆਂ ਤੋਂ ਚਲਦੇ ਆ ਰਹੇ ਹਨ| ਕਰਨ ਛੇ ਪਾਂਡਵਾਂ ਵਿਚੋਂ ਸਭ ਤੋਂ ਵੱਡਾ ਭਰਾ ਸੀ। ਕਰਨ ਪ੍ਰਭੂ [[ਪਰਸ਼ੂਰਾਮ] ਦਾ ਸਭ ਤੋਂ ਪਿਆਰਾ ਚੇਲਾ ਸੀ| ਹਾਲਾਂਕਿ ਮਹਾਂਭਾਰਤ ਵਿੱਚ ਭੀਸ਼ਮ ਅਤੇ ਦਰੋਣ ਵੀ ਪਰਸ਼ੂਰਾਮ ਦੇ ਚੇਲੇ ਸੀ ਪਰ ਉਨ੍ਹਾਂ ਉੱਤੇ ਜ਼ਿਆਦਾ ਜ਼ੋਰ ਨਹੀਂ ਦਿੱਤਾ ਗਿਆ| ਪਰਸ਼ੂਰਾਮ ਨੇ ਆਪ ਕਰਨ ਦੇ ਤ੍ਰਿਲੋਕ ਵਿੱਚ ਸਭ ਤੋਂ ਉੱਤਮ ਨੂੰ ਸਵੀਕਾਰ ਕੀਤਾ ਸੀ ਅਤੇ ਕਰਨ ਨੂੰ ਆਪਣੇ ਸਾਰੇ ਸ਼ਸ਼ਤਰ/ਹਥਿਆਰ ਦਿੱਤੇ ਸਨ। ਕਰਣ ਦੁਰਯੋਧਨ ਦਾ ਸਭ ਤੋਂ ਚੰਗਾ ਮਿੱਤਰ ਸੀ, ਅਤੇ ਮਹਾਭਾਰਤ ਦੀ ਲੜਾਈ ਵਿੱਚ ਉਹ ਆਪਣੇ ਭਰਾਵਾਂ ਦੇ ਵਿਰੁੱਧ ਲੜਿਆ।[1]
ਕਰਨ ਦਾ ਅਕਸ ਅਜੇ ਵੀ ਭਾਰਤੀ ਜਨਤਾ ਵਿੱਚ ਇੱਕ ਮਹਾਨ ਯੋਧੇ ਦਾ ਹੈ ਜਿਸਨੇ ਸਾਰੀ ਉਮਰ ਮੁਸੀਬਤਾਂ ਨਾਲ ਲੜਿਆ। ਬਹੁਤ ਸਾਰੇ ਇਹ ਵੀ ਮੰਨਦੇ ਹਨ ਕਿ ਕਰਨ ਨੂੰ ਕਦੇ ਵੀ ਉਹ ਸਭ ਕੁਝ ਨਹੀਂ ਮਿਲਿਆ ਜਿਸਦਾ ਉਹ ਅਸਲ ਵਿੱਚ ਹੱਕਦਾਰ ਸੀ।[2] ਤਰਕਪੂਰਨ ਤੌਰ 'ਤੇ ਗੱਲ ਕਰੀਏ ਤਾਂ, ਕਰਨ ਹਸਤਨਾਪੁਰ ਦੇ ਸਿੰਘਾਸਨ ਦਾ ਅਸਲ ਅਧਿਕਾਰ ਸੀ, ਕਿਉਂਕਿ ਉਹ ਕੁਰੂ ਸ਼ਾਹੀ ਪਰਿਵਾਰ ਤੋਂ ਸੀ ਅਤੇ ਯੁਧਿਸ਼ਟਰ ਅਤੇ ਦੁਰਯੋਧਨ ਵਿੱਚੋਂ ਸਭ ਤੋਂ ਵੱਡਾ ਸੀ, ਪਰ ਉਸ ਦੀ ਅਸਲੀ ਪਛਾਣ ਉਸ ਦੀ ਮੌਤ ਤੱਕ ਅਣਜਾਣ ਰਹੀ। ਕਰਨ ਨੂੰ ਇੱਕ ਦਾਨਵੀਰ ਅਤੇ ਇੱਕ ਮਹਾਨ ਯੋਧਾ ਮੰਨਿਆ ਜਾਂਦਾ ਹੈ। ਉਨ੍ਹਾਂ ਨੂੰ ਦਾਨਵੀਰ ਅਤੇ ਅੰਗਰਾਜ ਕਰਨਾ ਵੀ ਕਿਹਾ ਜਾਂਦਾ ਹੈ।