![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/5b/Krenkel-Bucht_2_2014-08-31.jpg/640px-Krenkel-Bucht_2_2014-08-31.jpg&w=640&q=50)
Цæгат Зæхх
From Wikipedia, the free encyclopedia
Цæгат Зæхх (уырыс. Северная Земля) у Уæрæсейы сакъадæхты къорд Цæгат Ихджын фурды. Ссардтой йæ 1913-æм азы Вилькицкийы экспедицийы архайджытæ æмæ йын радтой ном Тайвай (ихсæтджыты «Таймыр» æмæ «Вайгач»-ы нæмттæм гæсгæ). Уæды уырнындзинадмæ гæсгæ уыдис иу стыр сакъадах. Фæстæдæр, 1914-æм азы, сакъадахæн (архипелаг кæй у, уый нæмæ зындæуыд) радтой официалон ном — Николай II-ы Зæхх.
Цæгат Зæхх | |
---|---|
уырыс. Северная Земля | |
![]() | |
Характеристикæ | |
Стырдæр сакъадах | Октябры Революцийы сакъадах |
Иумæйаг фæзуат | 37 000 км² |
Цæрджытæ | 0 ад. |
Ран | |
80°00′ с. ш. 97°00′ в. д.HGЯO | |
Акватори | Цæгат Ихджын фурд |
Бæстæ | |
Уæрæсейы Федерацийы субъект | Красноярсчы край |
![]() |
1926-æм азы 11 январы Николай II-ы Зæххæн радтой ног ном — Цæгат Зæхх. 1931—1933 ссардæуыдысты Цæгат Зæххы сконды чи сты, уыцы хицæн сакъадæхтæ, æмæ сын радтой ныры нæмттæ: Пионер, Комсомолец, Большевик, Октябры Революцийы, Шмидты. Цесаревич Алексейы сакъадахæн радтой ног ном: Чысыл Таймыр.
Архипеладжы фæзуат у 37 мин км² бæрц. Ничи дзы цæры.
Цæгат Зæххы ис сакъадахон Азийы цæгатагдæр ран — Арктикон сынæг Комсомолецыл (81°13′ ц. у.).
![Thumb image](http://upload.wikimedia.org/wikipedia/commons/thumb/2/29/SevernayaZemlya.jpg/640px-SevernayaZemlya.jpg)