From Wikipedia, the free encyclopedia
Добричы облæст (болг. Област Добрич) у Болгарийы Цæгат-Скæсæйнаг регионы облæст, йæ сæйраг сахар у Добрич (раздæры Толбухин).
Облæст | |||
Добричы облæст | |||
---|---|---|---|
болг. Област Добрич | |||
|
|||
43°35′00″ с. ш. 28°00′00″ в. д.HGЯO | |||
Паддзахад | Болгари | ||
Админ. центр | Добрич | ||
Истори æмæ географи | |||
Бындурæвæрды датæ | 1999-æм азы 8 январы | ||
Фæзуат |
|
||
Сахатон таг | EET (UTC+2, сæрды UTC+3) | ||
Цæрджытæ | |||
Цæрджытæ |
|
||
Цифрон идентификатортæ | |||
Код ISO 3166-2 | BG-08 | ||
Автомобилон код | ТХ | ||
Официалон сайт | |||
Викикъæбицы медиа |
Облæсты скæсæйнаг арæн у Сау денджызы былгæрон, цæгаты æмарæн у Румыниимæ, хуссары — Варнæйы æмæ Шумены облæстытимæ, ныгуылæны та — Силистрæйы облæстимæ.
Облæсты фæзуат у 4 719,7 км² (уымæй 12,3% хæхтæ), цæрынц дзы 215 217 адæймаджы. Облæсты ис 215 цæрæнраны, уыдонæй 6 — сахартæ.
Уæлæмхасæн аргъ экономикæйы къабæзтæм гæсгæ 2004 азы уыд ахæм (млн левы):
Хъæууон хæдзарад | Индустри | Лæггæдтæ | |
Добричы облæст | 180 (26,6%) | 101 (14,9%) | 395 (58,5%) |
Æппæт Болгари | 3 559 (11,0%) | 9 487 (29,2%) | 19 390 (59,8%) |
Добричы облæсты ис бирæ бæзнаг зæххытæ, уый тыххæй дзы, Болгарийы æндæр облæстытимæ абаргæйæ, зæххы куыст размæцыд у. Уæлдайдæр бирæ дзы мæнæу æмæ æндæр хоры культурæтæ садзынц (базылд зæххы 54,7%), стæй зетиджын культурæтæ дæр (29%).
Облæсты индустрийы сæйраг нысан у хъæууон хæдзарады продукттæ бакусын: бынæттон куыройтæн æрвылбон уадзæн ис 200 тонны ссад, æппæт бæстæйы макъаронтæй 35% уадзынц Добричы облæсты. Ис дзы æхсыры куыстуæттæ дæр, кæнынц цыхт, туаг æхсыр, нæлхæ æмæ æндæр æхсыры продукттæ. Облæсты ис Болгарийы стырдæр маргъдарæн фабрикæ.
Уыимæ ма Добричы облæсты уадзынц дарæс, къахыдарæс, текстиль, трикотаж, хъæдæрмæг, аразæн æрмæг æмæ а. д.
Облæсты траспорты бастдзинадæн стыр ахъаз у порт Балчик, стæй та сыхаг облæстыты: Варнæйы стыр денджызон порт, Силистрæйы Дунайы порт. Варнæйы æхсæнадæмон аэропорт у Добричæй 47 километры. Облæсты зæххыл мидæг Болгарийæ Румынимæ цæуы æфсæнвæндаг. Автомобилон фæндаг E-87 бæтты арæнгæсты пост Дуранкулак румынаг-болгайраг арæныл арæнгæсты пост Малко-Тырновоимæ (болгайраг-туркаг арæн Бургасы облæсты хуссары).
Балчик æмæ Каварнæ сты денджызон курорттæ. Сæ пляжтæ хуссарырдæм здæхт сты — Болгарийы ахæмтæ бирæ нæй.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.