Акопян, Арам Хачатуры фырт

Ара́м Хачату́ры фырт Акопя́н (сом. Արամ Խաչատուրի Հակոբյան; райгуырдис 1979-æм азы 15 августы Ереваны, Сомихы ССР, ССРЦ) у сомихаг футболист, размæбырсæг, тренер. Хъазыдис национ иугонд командæйы, «Спартак»-ы (Ереван), «Бананц»-ы, «Улисс»-ы æмæ «Импульс»-ы. У Акопян Арайы æфсымæр.

Арам Акопян
Æнæхъæн ном	Арам Хачатуры фырт Акопян
Райгуырдис	1979-æм азы 15 августы(1979-08-15)[1] (45 азы) Ереван, Сомихы ССР, Советон Цæдис
Æмбæстонад	Сомих
Ас	175 см
Позици	размæбырсæг
Куысты бынат	тренер

Клубон карьерæ

Арам йæ карьерæ байдыдта Арташаты клуб «Двин»-ы, йе ’фсымæр Араимæ хъазыдис иумæ. Афæдз фæстæ та Ара ацыдис Дзæуджыхъæуы «Алани»-мæ, Арам та — «Цемент»-мæ. Чысыл фæстæдæр йæ кæстæр æфсымæр дæр уыцы командæмæ æрбацыдис.

Уыцы клубы Арам хъазыдис 2002-æм азы онг, клуб йæ ном «Спартак»-мæ куы аивта, уæдмæ. Уый фæстæ футболист ралыгъдис Украинæмæ æмæ дзы хъазыдис Алчевскы клуб «Сталь»-ы. 2005-æм азы раздæхтис йæ сомихаг клубмæ (кæцы «Бананц» хуыйнын райдыдта) æмæ дзы хъазыдис 51 хъазты дыууæ азы дæргъы, 37 пуртийы бакъуырдта.^[2].

2011-æм азы 19 июлы футболист фехъусын кодта, йæ хъазæджы карьерæ кæй фæцис, уый тыххæй.^[3].

Иугонд командæйы мидæг

Иугонд командæмæ Арамы райстой 2000-æм азы, «Аракс»-ы ма куы хъазыдис, уæд. Уыцы аз ахъазыдис 4 хъазты, стæй фондз азы дæргъы иугонд командæйы нал хъазыдис.

Акопяны æнтыстджын хъазт «Бананц»-ы иугонд командæйы тренертæн ахæм хъомыс радта, æмæ йæ фæстæмæ æрбахуыдтой командæмæ. Арам Акопян иугонд командæйы ахъазыдис 16 матчы æмæ дзы бакъуырдта иу пурти (Андорæйы командæйы дуармæ).

Футболисты æнтыстытæ

Командæйы æнтыстджытæ

«Спартак» (Ереван)

• Сомихы чемпион (1): 2000
• Уыцы чемпионаты Бронзæйы призёр (3 хатты): 1999, 2001, 2002
• Сомихы Хъалацы уæлахизгæнæг (1): 1999
• Сомихы Суперхъалацы хицау (1): 1999

«Бананц»

• Сомихы чемпионаты Æвзист призёр (3 хатты): 2003, 2006, 2007
• Сомихы чемпионаты Бронзæйы призёр (1): 2005
• Сомихы Хъалацы финалист (1): 2003.

Йæхи æнтыстытæ

• Сомихы афæдзы футболист: 2005
• Сомихы чемпионаты футболæй хуыздæр бомбардир: 2006
• Футболон клуб «Бананц»-ы голтæ бакъуырджыты ’хсæн рекордсмен — æдæппæт 62 пуртийы

Фиппаинæгтæ

1. Aram Hakobyan // Transfermarkt (цалд.) — 2000.
2. Лучшие бомбардиры чемпионатов Армении(уырыс.). Armsport.com (10.11.2010). Датæ: 2011-æм азы 15 январы. Архив 2012-æм азы 9 апрелы.
3. Арам Акопян завершил карьеру футболиста(уырыс.). Armfootball.com (19.07.2011). Датæ: 2011-æм азы 21 июлы. Архив 2012-æм азы 9 апрелы.

Æддаг æрмæг

• Профиль ФФА-йы сайты(уырыс.)
• Сомихы футболы тыххæй сайт цы фыссы(англ.)
• Европæйы футболы тыххæй базæ footballdatabase.eu(англ.)