ଆଜବେସ୍ଟୋସିସ (ଇଂରାଜୀ ଭାଷାରେ Asbestosis) ରୋଗ ହୁଏ ଯେତେବେଳେ ଆଜବେସ୍ଟସ (asbestos) ସଂସ୍ପର୍ଶରେ ଆସି ଏକ ମାନବ ଫୁସଫୁସରେ (lungs) ଦୀର୍ଘକାଳୀନ ପ୍ରଦାହ (inflammation) ରୋଗ ହୁଏ ଓ ସେଠାରେ ସ୍କାର (scarring) ହୋଇଯାଏ ।[2] ରୋଗୀର ଅଣନିଶ୍ୱାସୀ (Shortness of breath), କାସ, ହୁଇଜିଙ୍ଗ (wheezing), ଛାତି ଯନ୍ତ୍ରଣା (chest pain) ଇତ୍ୟାଦି ଲକ୍ଷଣ ଦେଖାଯାଏ ।[1] ରୋଗ ସାଂଘାତିକ ହେଲେ ଫୁସଫୁସ କର୍କଟ, ମେସୋଥେଲିଓମା (mesothelioma), ପ୍ଲୁରାଲ ଫାଇବ୍ରୋସିସ (plural fibrosis), ଫୁସଫୁସ ହୃତ୍ପିଣ୍ଡ ରୋଗ (pulmonary heart disease) ଇତ୍ୟାଦି ଜଟିଳ ରୋଗ ହୁଏ । [1][5]
| ଆଜବେସ୍ଟୋସିସ (Asbestosis) | |
|---|---|
.jpg) ମଧ୍ୟଚ୍ଛଦା ପ୍ଲୁରା ଉପରେ ଆଜବେସ୍ଟସ ସଂସ୍ପର୍ଶରେ ଆଦି ତିଆରି ହୋଇଥିବା ପ୍ଲେକ | |
| ବିଭାଗ | ଫୁସଫୁସ ବିଜ୍ଞାନ (Pulmonology) |
| ଲକ୍ଷଣ | ଅଣନିଶ୍ୱାସୀ (Shortness of breath), କାସ, ହୁଇଜିଙ୍ଗ (wheezing), ଛାତି ଯନ୍ତ୍ରଣା (chest pain)[1] |
| କାରଣ | ଆଜବେସ୍ଟସ (Asbestos)[2] |
| ରୋଗ ନିର୍ଣ୍ଣୟ ପଦ୍ଧତି | ଆଜବେସ୍ଟସ ସଂସ୍ପର୍ଶ ଇତିହାସ, ମେଡିକାଲ ଇମାଜିଙ୍ଗ (medical imaging)[2] |
| ପ୍ରତିକାର | ସଂସ୍ପର୍ଶ ବନ୍ଦ[2] |
| ଚିକିତ୍ସା | ଇନଫ୍ଲୁଏଞ୍ଜା ଟିକା (influenza vaccination), ନିମୋକୋକାଲ ଟିକା (pneumococcal vaccination, ସହାୟକ ଯତ୍ନ (Supportive care), ଧୂମ୍ରପାନ ବନ୍ଦ ଓ ଅମ୍ଳଜାନ ଥେରାପି (oxygen therapy |
| ପୁନଃପୌନିକ | ୧୫୭,୦୦୦ (୨୦୧୫)[3] |
| ମୃତ୍ୟୁ ସାନ୍ଦ୍ରତା | ୩,୬୦୦ (୨୦୧୫)[4] |
ଆଜବେସ୍ଟସ ତନ୍ତୁ ପ୍ରଶ୍ୱାସରେ (breathing in) ଗଲେ ଆଜବେସ୍ଟୋସିସ ରୋଗ ହୁଏ ।[1] ଏହି ରୋଗ ହେବା ନିମନ୍ତେ ଅଧିକ ଓ ଦୀର୍ଘକାଳୀନ ଆଜବେସ୍ଟସ ସଂସ୍ପର୍ଶ ଆବଶ୍ୟକ ହୁଏ । [1] ଯେଉଁମାନେ ଏହି ପଦାର୍ଥ ସହିତ ଏହି ସ୍ତରର କାମ କରନ୍ତ ସେମାନଙ୍କର ଏହି ରୋଗ ହେବା ସମ୍ଭାବନା ଅଧିକ ରହେ ।[5] ସବୁ ପ୍ରକାରର ଆଜବେସ୍ଟସ ଯୋଗୁ ଏହି ରୋଗ ହୋଇପାରେ । [6] ତେଣୁ ଏବେକାର ଆଜବେସ୍ଟସକୁ ଅସ୍ଥିର ନକରି ସେହିଭଲି ରଖିବାକୁ ପରାମର୍ଶ ଦିଆଯାଏ ।[7] ଆଜବେସ୍ଟସ ସଂସ୍ପର୍ଶ ଇତିହାସ ଓ ଉପଯୁକ୍ତ ମେଡିକାଲ ଇମେଜିଙ୍ଗ (medical imaging) କରି ରୋଗ ନିର୍ଣ୍ଣୟ କରାଯାଏ । [2] ଏହା ଏକ ପ୍ରକାର ଇଣ୍ଟରସ୍ଟିସିଆଲ ପଲମୋନାରି ଫାଇବ୍ରୋସିସ (interstitial pulmonary fibrosis) ରୋଗ । [2]
ଆଜବେସ୍ଟୋସିସ ରୋଗ ନିମନ୍ତେ କୌଣସି ନିର୍ଦ୍ଦିଷ୍ଟ ଚିକିତ୍ସା ନାହିଁ ।[1] ଇନଫ୍ଲୁଏଞ୍ଜା ଟିକା (influenza vaccination), ନିମୋକୋକାଲ ଟିକା (pneumococcal vaccination, ସହାୟକ ଯତ୍ନ (Supportive care), ଧୂମ୍ରପାନ ବନ୍ଦ ଓ ଅମ୍ଳଜାନ ଥେରାପି (oxygen therapy) ଦେଇ ଚିକିତ୍ସା କରାଯାଏ ।[8] ସନ ୨୦୧୫ରେ ଏହି ରୋଗରେ ୧୫୭,୦୦୦ ଲୋକ ଆକ୍ରାନ୍ତ ହୋଇ ୩,୬୦୦ ଲୋକ ମୃତ୍ୟୁ ବରଣ କରିଥିଲେ । [4][3] ଏହି ରୋଗକୁ ପ୍ରତିରୋଧ କରିବା ନିମନ୍ତେ ଅନେକ ଦେଶରେ ଏହାର ବ୍ୟବହାର ବନ୍ଦ କରାଯାଇଛି । [1]
ଆଧାର
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
