ହରିହର ମିଶ୍ର

ହରିହର ମିଶ୍ର (୧୯ ନଭେମ୍ବର ୧୯୪୦ - ୨୩ ସେପ୍ଟେମ୍ବର ୨୦୨୪)^[2] ଜଣେ ଓଡ଼ିଆ କବି, ଗାଳ୍ପିକ, ଅନୁବାଦକ ଓ ନାଟ୍ୟକାର ଥିଲେ ।^[3] ବୃତ୍ତିରେ ସେ ଥିଲେ ଜଣେ ଅଧ୍ୟାପକ । ସେ ସାହିତ୍ୟ ସର୍ଜନା ସହିତ ସେ ବେତାର ନାଟକରେ ମଧ୍ୟ ଅଭିନୟ କରିଛନ୍ତି ।^[4] ୨୦୧୬ମସିହାରେ, ସେ ଓଡ଼ିଶା ସାହିତ୍ୟ ଏକାଡେମିର ୩୧ତମ ସଭାପତି ଭାବରେ ନିଯୁକ୍ତ ହୋଇଥିଲେ ।^[5] । ୧୯୭୦/୮୦ ଦଶକରେ ଓଡ଼ିଆ ସାହିତ୍ୟରେ ପ୍ରଭାବ ବିସ୍ଥାର କରିଥିବା ଅନାମ କବିତା ଆନ୍ଦୋଳନରେ ସେ ସଂଶ୍ଳିଷ୍ଠ ଥିଲେ ।^[6]

ହରିହର ମିଶ୍ର
ଜନ୍ମ ଓ ଜନ୍ମସ୍ଥାନ	(1940-11-19) ୧୯ ନଭେମ୍ବର ୧୯୪୦ (ବୟସ ୮୩)
ମୃତ୍ୟୁ	୨୩ ସେପ୍ଟେମ୍ବର ୨୦୨୪(2024-09-23) (ବୟସ ୮୩) ମାର୍କଣ୍ଡେଶ୍ୱରସାହି, ପୁରୀ
ବୃତ୍ତି	ଅଧ୍ୟାପକ
ଭାଷା	ଓଡ଼ିଆ
ଜାତୀୟତା	ଭାରତୀୟ
ସାହିତ୍ୟ କୃତି	ଦିବ୍ୟ ଅସନ୍ତୋଷ [1]
ପୁରସ୍କାର	ଓଡ଼ିଶା ସାହିତ୍ୟ ଏକାଡ଼େମୀ ପୁରସ୍କାର ଶାରଳା ପୁରସ୍କାର
ଜୀବନସାଥୀ	ରାଜଲକ୍ଷ୍ମୀ ମିଶ୍ର
ସନ୍ତାନ	ରୀତିମୁକ୍ତା ରାଜଗୁରୁ, ମୋନାଲିସା ମିଶ୍ର, ବର୍ଣ୍ଣମାଳା ଦାଶ, ରୂପକଳ୍ପ ମିଶ୍ର
ପିତାମାତା	ମଣିରାମ ମିଶ୍ର, ସେବତୀ ଦେବୀ

ଜୀବନୀ

ବ୍ୟକ୍ତିଗତ ଜୀବନ

ହରିହର ମିଶ୍ର ୧୯୪୦ ମସିହା ନଭେମ୍ବର ୧୯ ତାରିଖରେ ପୁରୀର ମାର୍କଣ୍ଡେଶ୍ୱର ସାହିରେ ଜନ୍ମଗ୍ରହଣ କରିଥିଲେ । ତାଙ୍କ ପିତାଙ୍କ ନାମ ମଣିରାମ ମିଶ୍ର (ଓରଫ ଚିନ୍ତାମଣି ମିଶ୍ର) ଓ ମାତାଙ୍କ ନାମ ସେବତୀ ଦେବୀ ଥିଲା । ସେ ଉତ୍କଳ ବିଶ୍ୱବିଦ୍ୟାଳୟରୁ ଓଡ଼ିଆ ଭାଷାସାହିତ୍ୟରେ ସ୍ନାତକୋତ୍ତର ହାସଲ କରିଥିଲେ । ସେ ଅଧ୍ୟାପନା ବୃତ୍ତିରେ ଥିଲେ ଓ ଭୁବନେଶ୍ୱରର ନହରକଣ୍ଟାରେ ଥିବା ଜୟଦେବ ମହାବିଦ୍ୟାଳୟର ଅଧ୍ୟକ୍ଷ ପଦରେ ଥାଇ ଅବସର ଗ୍ରହଣ କରିଥିଲେ ।

ତାଙ୍କ ପରିବାରରେ ପତ୍ନୀ ରାଜଲକ୍ଷ୍ମୀ ମିଶ୍ର, ୩ ଝିଅ ରୀତିମୁକ୍ତା ରାଜଗୁରୁ, ମୋନାଲିସା ମିଶ୍ର, ବର୍ଣ୍ଣମାଳା ଦାଶ ଓ ପୁତ୍ର ରୂପକଳ୍ପ ମିଶ୍ରଙ୍କୁ ଅଛନ୍ତି ।^[7]

ସାହିତ୍ୟିକ ଜୀବନ

ସେ କବିତା, ଏକାଙ୍କିକା, ନାଟକ, ଉପନ୍ୟାସ, ଗଳ୍ପ ଓ ସମାଲୋଚନା ଆଦି ବିଭାଗରେ ନିଜ ଲେଖନୀ ଚାଳନା କରିଛନ୍ତି । ସମାବେଶ ପତ୍ରିକା ସେ ସମ୍ପାଦନା କରିଛନ୍ତି ।^[8]

ମୃତ୍ୟୁ

୨୦୨୪ ମସିହା ସେପ୍ଟେମ୍ବର ୨୩ ତାରିଖରେ ହରିହର ମିଶ୍ରଙ୍କର ପରଲୋକ ଘଟିଥିଲା ।^[9]

ରଚନାବଳୀ

କବିତା ସଙ୍କଳନ ଶଙ୍ଖନାଭି (୧୯୭୩) ଅକ୍ଷମଦେବତା(୧୯୭୮) ସୂକ୍ତ ଶତକ(୧୯୭୮) ଚନ୍ଦ୍ରବିମ୍ବ (୧୯୮୧) ଲାଲକଢ଼ର ତପସ୍ୟା (୧୯୮୨) ଚାହାଣୀ ମଣ୍ଡପ (୧୯୮୩) ସ୍ୱପ୍ନ ବିନିମୟ (୧୯୯୨) ଭିତିରି ଚନ୍ଦନ(୧୯୯୪) ଦର୍ପଣ ଶୀଳା (୧୯୯୫) ଶବ୍ଦ ଏକାଏକା ଏକତ୍ର (୧୯୯୫) ସନ୍ଧ୍ୟାଦର୍ଶନ(୧୯୯୮) ଅଣଅକ୍ଷର(୧୯୯୮) ସ୍ୱରବର୍ଣ୍ଣ (ଗୀତିକବିତା-୧୯୯୯) ଶଙ୍ଖନାଭି ଓ ଅନ୍ୟାନ୍ୟ କବିତା (୨୦୦୨) ଦିବ୍ୟ ଅସନ୍ତୋଷ (୨୦୦୯)

ନାଟକ କାଗଜ ଡ଼ଙ୍ଗା (୧୯୬୦) ରାତିର ଦୁଇଟି ଡେଣା (୧୯୭୪) ହେ ନିଷାଦ ନିବୃତ୍ତ ହୁଅ (୧୯୭୩) ନିନ୍ଦିତ ଗଜପତି(୧୯୭୬) ହଂସଧ୍ୱନୀ (୧୯୭୮) ମଝିଦରିଆ (୧୯୭୮) ମଧୁଲିତା (୧୯୮୦) ସମ୍ଭବ ଅସମ୍ଭବ (୧୯୮୩) ଏବେ ନୁହେଁ ତ କେବେ ନୁହେଁ (୧୯୯୦) ଗଳ୍ପ ମୂକ ଡାହୁକ(୧୯୭୫) ବୃଷଭର ଏକପାଦ (୧୯୭୭) ଇଚ୍ଛାର ସାମ୍ରାଜ୍ୟ(୧୯୯୦)

ଉପନ୍ୟାସ ବନବିହଙ୍ଗୀ (୧୯୬୦) ନୀଳ ହ୍ରଦର ରକ୍ତ କମଳ (୧୯୬୧) ସମାଲୋଚନା ସ୍ୱର ସାଧକ (୧୯୮୧) ଏକାଙ୍କିକା ବନାଗ୍ନି (୧୯୭୮) ଅନୁବାଦ ଗରିଲା (ମୂଳ ଲେଖା: ଜାଁପଲ ସର୍ତ୍ତଙ୍କ Crimipassional)

କଥାଚିତ୍ରରେ ଭୂମିକା

ହରିହର ଶ୍ରୀ ଶ୍ରୀ ପତିତପାବନ (୧୯୬୨) କଥାଚିତ୍ରର ଗୀତ ଓ ସଂଳାପ ରଚୟିତା ଓ ସହ ନିର୍ଦ୍ଦେଶକ ଥିଲେ ।^[10] ପରେ ଚିଲିକା ତୀରେ (୧୯୭୮) କଥାଚିତ୍ରର ସଂଳାପକାର ଓ ସହ ନିର୍ଦ୍ଦେଶକ ଥିଲେ ଓ ତପସ୍ୟା (୧୯୮୦) କଥାଚିତ୍ରର ଗୀତ ଲେଖିଥିଲେ । ^[11]

ପୁରସ୍କାର ଓ ସମ୍ମାନ

• ଓଡ଼ିଶା ସାହିତ୍ୟ ଏକାଡ଼େମୀ ପୁରସ୍କାର (ରାତ୍ରିର ଦୁଇଟି ଡେଣା ପାଇଁ), ୧୯୭୭^[12]
• ଶାରଳା ପୁରସ୍କାର (ଦିବ୍ୟ ଅସନ୍ତୋଷ ପାଇଁ), ୨୦୧୧^[13]
• ଭାନୁଜୀରାଓ ସ୍ମାରକୀ ପୁରସ୍କାର, ୨୦୦୭^[14]
• ଜୀବନ ରଙ୍ଗ ପୁରସ୍କାର, ୧୯୮୩
• ଝଙ୍କାର ବିଷୁବ ଗଳ୍ପ ପୁରସ୍କାର, ୧୯୬୦
• ଝଙ୍କାର ବିଷୁବ କବିତା ପୁରସ୍କାର, ୧୯୬୯
• ବିଷୁବ ପୁରସ୍କାର (ସାମଗ୍ରିକ କୃତି ପାଇଁ), ୧୯୭୪
• ଧରିତ୍ରୀ ସମ୍ମାନ, ୧୯୭୭

ଆଧାର

1. "Harihar Mishra Honored with Sarala Award 2011". odisha.360.batoi.com. 2011. Retrieved 9 January 2013. decided to present him the award for his book "Dibya Asantosha", penned in 2009
2. "Puri poet to head Sahitya Akademi". The Telegraph. Retrieved 5 May 2016.
3. "Orissa CM gives away Think Odisha Leadership Awards, 2010". timesofindia-economictimes. Retrieved 5 May 2016.
4. ସମ୍ବାଦ ୦୫/୦୫/୨୦୧୬ ଭୁବନେଶ୍ୱର ସଂସ୍କରଣ ପୃଷ୍ଠା ୮ରେ ପ୍ରକାଶିତ ଖବର "ହରିହର ମିଶ୍ର ହେବେ ଓଡ଼ିଶା ସାହିତ୍ୟ ଏକାଡେମି ସଭାପତି"
5. ସମ୍ବାଦ ୦୭/୦୫/୨୦୧୬ ଭୁବନେଶ୍ୱର ସଂସ୍କରଣ ପୃଷ୍ଠା ୪ରେ ପ୍ରକାଶିତ ଖବର "ସାହିତ୍ୟ ଏକାଡେମୀର ୩୧ତମ ସଭାପତି ହେଲେ ହରିହର ମିଶ୍ର"
6. "କବି ଓ ନାଟ୍ୟକାର ହରିହର ମିଶ୍ରଙ୍କ ସହ ସାକ୍ଷାତକାର". odiasahitya.com. 2011. Retrieved 9 January 2013. ହରିହରିଙ୍କ ସୃଷ୍ଟି
7. "ଆରପାରିରେ ହରିହର ମିଶ୍ର". https://sambadepaper.com/. 12 November 2018. Retrieved 24 September 2024. {{cite web}}: External link in |website= (help)
8. "ବ୍ୟକ୍ତିତ୍ୱ". No. ଧରିତ୍ରୀ ଛୁଟିଦିନ ଫେବୃଆରୀ ୨୦-୨୬ ପୃଷ୍ଠା ୬. ଧରିତ୍ରୀ. Archived from the original on 21 February 2022. Retrieved 21 February 2022.
9. Ojha, Sibasankar (23 September 2024). "ପରଲୋକରେ ସାହିତ୍ୟ ଏକାଡେମୀର ପୂର୍ବତନ ସଭାପତି ହରିହର ମିଶ୍ର". Sambad. Retrieved 23 September 2024.
10. "ଶ୍ରୀ ଶ୍ରୀ ପତିତପାବନ". ନଜର୍ (ନିତିଦିନ). Retrieved 25 September 2016.^{[permanent dead link]}
11. ଦେଓ, ସୂର୍ଯ୍ୟ. ଓଡ଼ିଆ ସିନେମା ଗୀତ (୧୯୩୬ରୁ ୧୯୬୯). ସୃଜନ. p. 230. ISBN 9788192546537.
12. "ଓଡ଼ିଶା ସାହିତ୍ୟ ଏକାଡ଼େମୀ ପୁରସ୍କୃତ ପୁସ୍ତକ ଓ ଲେଖକ". Odisha Sahitya Akademi. Retrieved 5 May 2016.
13. "The Hindu: Sarala Puraskar conferred on Harihar Mishra". thehindu.com. 2011. Retrieved 9 January 2013. Eminent Oriya litterateur and dramatist Harihar Mishra was conferred the coveted Sarala Puraskar (award)
14. "The Telegraph - Calcutta (Kolkata) | Nation | Author honoured". telegraphindia.com. 2007. Retrieved 9 January 2013. Bhanujee Rao Smaraki Puraskar of Rs 20,000 for 2007 to poet Harihar Mishra

ଅଧିକ ତଥ୍ୟ

• ଇଣ୍ଟରନେଟ ମୁଭି ଡାଟାବେସରେ ହରିହର ମିଶ୍ର