ସରୱାତ ପର୍ବତମାଳା

[[Category:Lua error in package.lua at line 80: module 'Module:Pagetype/disambiguation' not found. with short description]]

ସରୱାତ ପର୍ବତମାଳା جِبَالُ ٱلسَّرَوَاتِ
ସରାତ
ସରୱାତ ପର୍ବତମାଳାର ଅଂଶ
Elevation	୩୬୬୬ m (୧୨,୦୨୮ ft)
Location
ସରୱାତ ପର୍ବତମାଳା جِبَالُ ٱلسَّرَوَاتِ Show map of Saudi Arabia ସରୱାତ ପର୍ବତମାଳା جِبَالُ ٱلسَّرَوَاتِ Show map of Middle East ସରୱାତ ପର୍ବତମାଳା جِبَالُ ٱلسَّرَوَاتِ Show map of Asia

ସରୱାତ ପର୍ବତମାଳା (ଇଂରାଜୀ ଭାଷାରେ Sarawat Mountains ଆରବୀୟ ଭାଷାରେ جِبَالُ ٱلسَّرَوَاتِ) ସରାତ ନାମରେ ମଧ୍ୟ ପରିଚିତ ।^[1] ଆରବୀୟ ଉପଦ୍ୱୀପର ପଶ୍ଚିମଆଂଶରେ ଏହି ପର୍ବତମାଳା ଅବସ୍ଥିତ । ଲୋହିତ ସାଗରର ପୂର୍ବ ତଟ ସହିତ ଏହି ପର୍ବତମାଳା ସମାନ୍ତରାଳ ଭାବେ ବ୍ୟାପ୍ତ । ଫିଫା ପର୍ବତମାଳା^[2], ଆସିର ପର୍ବତମାଳା^[3] ଓ ହିଜାଜ ପର୍ବତମାଳା^[4][5] ଓ ମିଦ୍ୟାନ ପର୍ବତମାଳାକୁ ମିଶାଇ^[6] ସରୱାତ ପର୍ବତମାଳା କୁହାଯାଇପାରିବ । ସରୱାତ ପର୍ବତମାଳା ଆସିରରୁ ଆରମ୍ଭ ହୋଇ ସାଉଦି ଆରବ ଦେଇ ଦକ୍ଷିଣରେ ଏଡେନ୍ ଉପସାଗର ପର୍ଯ୍ୟନ୍ତ ଓ ପୁଣି ୟେମେନର ପଶ୍ଚିମ ଭାଗରେ ଲମ୍ବି ଯାଇଛି ।^[1][7]

ଭୂବୈଜ୍ଞାନିକ ତଥ୍ୟ

ସାଉଦି ଆରବର ଅଭାସ୍ଥିତ ହବାଲା ଉପତ୍ୟକାରୁ ସରୱାତର ଦୃଶ୍ୟ

ସରୱାତ ପର୍ବତମାଳା ମୁଖ୍ୟତଃ ପଥୁରିଆ ଓ ଆଂଶିକ ରୂପେ ସବୁଜିମାରେ ପୂର୍ଣ୍ଣ । ଗଠନ କାଳ ହିସାବରେ ଏହାର ଅନେକ ଶୃଙ୍ଗ ନୂତନ ଓ ଦନ୍ତୁରିତ ଓ କିଛି ଶୃଙ୍ଗ ଅବକ୍ଷୟ କାରଣରୁ ଆଉ ଦନ୍ତୁରିତ ରହିନାହାନ୍ତି । ସାଉଦି ଆରବ ଓ ୟେମେନ ସୀମାରେ ସରୱାତ ପର୍ବତମାଳା ଖଣ୍ଡବିଖଣ୍ଡିତ ହୋଇ ସ୍ୱତନ୍ତ୍ର ଓ ଏକାକୀ ପର୍ବତମାନଙ୍କ ଆକାରରେ ଦେଖାଯାଏ । ହେଜାଜର ଭୂଗଠନ କ୍ରମଶଃ ପର୍ବତରୁ ୟେମେନୀ ମାଳଭୂମିରେ ରୂପାନ୍ତରିତ ହୋଇଛି । ୟେମେନର ଭୌଗୋଳିକ ସୀମା ମଧ୍ୟରେ ସରୱାତ ପର୍ବତଶ୍ରେଣୀ ଦୁଇ ଭାଗରେ ବିଭକ୍ତ ହୋଇ ପଶ୍ଚିମସ୍ଥ ଉଚ୍ଚଭୂମି ଓ କେନ୍ଦ୍ରୀୟ ଉଚ୍ଚଭୂମି ସୃଷ୍ଟି କରିଛି । ପଶ୍ଚିମସ୍ଥ ଉଚ୍ଚଭୂମି ଲୋହିତ ସାଗରର ନିକଟବର୍ତ୍ତୀ ଥିବାରୁ ଏହି ଅଞ୍ଚଳ ସମଗ୍ର ଆରବୀୟ ଉପଦ୍ୱୀପରେ ସବୁଠାରୁ ଅଧିକ ବୃଷ୍ଟିପାତ ଗ୍ରହଣ କରିଥାଏ । କେନ୍ଦ୍ରୀୟ ଉଚ୍ଚଭୂମିର ପର୍ବତମାନ ଏହି ଅଞ୍ଚଳରେ ଉଚ୍ଚତମ । ଜବାଲ ହରାଜ ୟେମେନୀୟ ସରୱାତ ପର୍ବତମାଳାର ଏକ ଅଂଶ ।^[8] ହରାଜ ପର୍ବତରେ କିଛି ଶୃଙ୍ଗର ଉଚ୍ଚତା ସମୁଦ୍ର ପତନରୁ ୩୦୦୦ ମିଟର ଉପରେ । ଏହି ସମସ୍ତ ଶୃଙ୍ଗରୁ ତଳ ଦେଶର ଦୃଶ୍ୟ ଅତ୍ୟନ୍ତ ମନୋମୁଗ୍‌ଧକର । ପାଦଦେଶର କିଛି ପର୍ବତର ହାରାହାରି ଉଚ୍ଚତା କେବଳ ୫୦୦ ମିଟର ହୋଇଥିଲେ ହେଁ ସେମାନଙ୍କ ଶୃଙ୍ଗ ୨୮୦୦-୩୦୦୦ ମିଟର ଉଚ୍ଚତାରେ ଅବସ୍ଥିତ । ୩୦୦୦ ମିଟରରୁ ଅଧିକ ଉଚ୍ଚତାବିଶିଷ୍ଟ ପର୍ବତଗୁଡ଼ିକ ୟେମେନରେ ଅବସ୍ଥିତ । ସେଠାକାର ସର୍ବୋଚ୍ଚ ଶୃଙ୍ଗର ନାମ ଜବାଲ ଅନ୍-ନବି ଶୋଏବ ଯାହା ରାଜଧାନୀ ସନା ନିକଟରେ ଅବସ୍ଥିତ । ଏହି ଶୃଙ୍ଗର ଉଚ୍ଚତା ସମୁଦ୍ର ପତନରୁ ୩୬୬୬ ମିଟର ।^[1][7] ସ୍ଥାନୀୟ କିମ୍ବଦନ୍ତୀ ଅନୁସାରେ ନୋଆଙ୍କ ମୃତ୍ୟୁ ପରେ ତାଙ୍କ ପୁତ୍ର ଶେମ ଏହି ଜବାଲ ନୁକୁମ ପର୍ବତର ପାଦଦେଶରେ ଏକ ନଗରର ସ୍ଥାପନା କରିଥିଲେ ।^[9]

ଭବୈଜ୍ଞାନିକ ଦୃଷ୍ଟିକୋଣରୁ ସରୱାତ ପର୍ବତମାଳା ମୁଖ୍ୟତଃ ଆଗ୍ନେୟ ଶିଳାରେ ଗଠିତ । ପଶ୍ଚିମାଂଶରେ ପର୍ବତର ଢାଲୁ ହଠାତ୍ ଲୋହିତ ସାଗର ଉପକୂଳ ସହିତ ମିଳିତ ହୋଇଛନ୍ତି । ପୂର୍ବ ପଟରେ ପର୍ବତର ଢାଲୁ କ୍ରମଶଃ କମିଛି ଓ ଏହି ଅଞ୍ଚଳରେ କୃଷି କାର୍ଯ୍ୟ ମଧ୍ୟ କରାଯାଏ । ପର୍ବତମାଳାର ଦକ୍ଷିଣ ଭାଗ ମୌସୁମୀ ବାୟୁ ପ୍ରବାହ କ୍ଷେତ୍ରରେ ଅନ୍ତର୍ଭୁକ୍ତ । ସରୱାତ ପର୍ବତମାଳାରେ ୟେମେନର ରାଜଧାନୀ ସନା ଅବସ୍ଥିତ । ସନା ନଗର ନିକଟରେ ସରୱାତର ସର୍ବୋଚ୍ଚ ଓ ଅନ୍ୟ କେତେକ ଉଚ୍ଚ ଶୃଙ୍ଗ ମଧ୍ୟ ରହିଛି ।^[1][7]

ବନ୍ୟ ଜୀବ ଓ ଉଦ୍ଭିଦ

ହେଜାଜର ତାଇଫ୍ ନିକଟରେ ଏକ ହାମାଦ୍ର୍ୟାସ୍ ବବୁନ୍ ମାଙ୍କଡ଼

ଏହି ଅଞ୍ଚଳରେ ଆରବୀୟ କଲରାପତ୍ରିଆ ବାଘ ବସବାସ କରୁଥିବାର ପ୍ରମାଣ ମିଳିଛି ।^[10][11] ସାଉଦି ଆରବ ଓ ୟେମେନରେ ସରୱାତ ଅଞ୍ଚଳରେ ହାମାଦ୍ର୍ୟାସ୍ ବବୁନ୍ ମାଙ୍କଡ଼ ମଧ୍ୟ ଦେଖାଯାନ୍ତି ।^[12]

ଚିତ୍ର ଗ୍ୟାଲେରି

• 
  ହରାଜ ପର୍ବତର ଏକ ପାର୍ଶ୍ୱ
• 
  ସନା ନିକଟରେ ଥିବା ଜବାଲ ନୁକୁମ
• 
  ସାଉଦି ଆରବର ଜବାଲ ସୌଦା
• 
  ତାଇଫ୍‍ର ପର୍ବତ
• 
  ରାତି ବେଳେ ଦକ୍ଷିଣ-ପଶ୍ଚିମ ସାଉଦି ଆରବର ଦୃଶ୍ୟ

ଆହୁରି ଦେଖନ୍ତୁ

• ହିମାଳୟ
• ଆଣ୍ଡିଜ
• କୈଳାସ ପର୍ବତ
• ଆସିର ପର୍ବତମାଳା

ଆଧାର

1. Robert D. Burrowes (2010). Historical Dictionary of Yemen. Rowman & Littlefield. pp. 5–340. ISBN 978-0-8108-5528-1.
2. "ThePlace: Fifa Mountains in Jazan". Arab News. 2019-02-15. Retrieved 2019-02-17.
3. Overstreet, William Courtney (1977). Tertiary laterite of the As Sarat Mountains, Asir Province, Kingdom of Saudi Arabia. Vol. 2. Directorate General of Mineral Resources. pp. iii–2.
4. Mandal, Ram Bahadur (1990). "VI: A Regional Geography". Patterns of Regional Geography: World regions. New Delhi, India: Concept Publishing Company. p. 354. ISBN 8-1702-2292-3.
5. Nasr, Seyyed Hossein (2013). "1: The Holiest Cities of Islam". Mecca the Blessed, Medina the Radiant: The Holiest Cities of Islam. Tuttle Publishing. ISBN 978-1-4629-1365-7.
6. Scoville, Sheila A. (2006). "3". Gazetteer of Arabia: a geographical and tribal history of the Arabian Peninsula. Vol. 2. Akademische Druck- u. Verlagsanstalt. p. 288. ISBN 0-7614-7571-0.
7. McLaughlin, Daniel (2008). "1: Background". Yemen. Bradt Travel Guides. p. 3. ISBN 978-1-8416-2212-5.
8. Cook, John; Farmer, G. Thomas (2013-01-12). "VI: Land and Its Climates". Climate Change Science: A Modern Synthesis. Vol. 1 – The Physical Climate. Springer Science & Business Media. p. 334. ISBN 978-9-4007-5757-8.
9. McLaughlin, Daniel (2008). "3: Sana'a". Yemen. Bradt Travel Guides. p. 67. ISBN 978-1-8416-2212-5.
10. Judas, J.; Paillat, P.; Khoja, A.; Boug, A. (2006). "Status of the Arabian leopard in Saudi Arabia" (PDF). Cat News. Special Issue 1: 11–19.
11. Spalton, J. A. & Al-Hikmani, H. M. (2006). "The Leopard in the Arabian Peninsula – Distribution and Subspecies Status" (PDF). Cat News (Special Issue 1): 4–8.
12. Teller, Matthew (1 November 2012). "The Happy Ones". Saudi Aramco World. Retrieved 10 December 2018.