L'Àmbit metropolità de Barcelona es una region de Catalonha, definida dins lo Plan territorial general de Catalonha coma un dels sèt domenis foncionals territorials. Abasta una superfícia de 3236 km2, amb una populacion totala de 4 856 579 abitants (2007) e una densitat de 1496 ab./km2. La siá municipalitat mai importanta e nuclèu principal es la vila de Barcelona.
![Thumb](http://upload.wikimedia.org/wikipedia/commons/thumb/d/d3/%C3%80mbit_metropolit%C3%A0_de_Barcelona.svg/320px-%C3%80mbit_metropolit%C3%A0_de_Barcelona.svg.png)
![Thumb](http://upload.wikimedia.org/wikipedia/commons/thumb/5/5a/%C3%80mbits_de_Catalunya_1995.svg/320px-%C3%80mbits_de_Catalunya_1995.svg.png)
A l'ora d'ara lo domeni es constituit per 164 municipalitats amb una superfícia mejana de 19,7 km2:
- 27 de l'Aut Penedés,
- 30 del Bas Llobregat,
- 5 del Barcelonés,
- 6 de Garraf,
- 30 del Maresme,
- 23 del Valés Occidental
- 43 del Valés Oriental.
La municipalitat pus poblada es Barcelona, amb 1 595 110 abitants. I a un relatiu anautit nombre de municipalitats malgrat las nombrosas modificacions que i a agut al cors del temps. Aiçò condiciona fòrça lo planejament territorial e l'existéncia d'administracions localas multiplas amb competéncias d'elaboracion dels plans d'organizacion urbanistica municipala (POUM) representa un condicionat a l'ora de coordinar l'urbanisme municipal.
La principala foncion de la comarca es de sosténer l'administracion municipala en totas aquelas questions que, per insufiséncia de recorses, incapacitat o limitacion territoriala, pòscan pas desvolopar las pròprias comunas.
Lo domeni metropolitan de Barcelona compren sèt comarcas de Catalonha:
Comarca | Abitants |
---|---|
Aut Penedés | 101 758 |
Bas Llobregat | 781 749 |
Barcelonés | 2 235 578 |
Garraf | 140 412 |
Maresme | 420 521 |
Valés Occidental | 862 369 |
Valés Oriental | 386 465 |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.