From Wikipedia, the free encyclopedia
Kimitake Hiraoka, dich Yukio Mishima, (14 de genier de 1925, Tòquio - 25 de novembre de 1970, Tòquio) es un escrivan japonés dau sègle XX
Originari d'una familha de païsans venguts foncionaris superiors gràcias a la Revolucion Meiji, Kimitake Hiraoka mostrèt rapidament de predisposicions per l'escritura e prenguèt son escais-nom, Yukio Mishima, tre 1941. Après aver pretextat un tuberculòsi per defugir la mobilizacion, acabèt seis estudis de drech a l'Universitat de Tòquio en 1947 e venguèt foncionari au Ministèri dei Finanças. Comencèt alora una carriera d'escrivan marcada per plusors succès coma lei romans Una set d'amor (1950), Amors enebits (1951), Mòrt d'estiu (1952), Lo pavalhon d'aur (1956) ò Lo marin regitat per la mar (1963). Son òbra contèn tanben de tèxtes dramatics coma Cinc Nô modèrnes (1956), lo Palais dei fèstas (1956), L'aubre dei tropics (1960) ò la Marquesa de Sade (1966).
En favor de la restauracion d'una certana tradicionala nacionala, s'engatjèt en favor dau Japon modèrne e de l'etica samorai. Dins lo corrent deis ans 1960, exprimiguèt d'idèas fòrça nacionalistas e jonhèt l'armada japonesa en 1967. Puei, fondèt una milícia privada (Tatenokai) destinada a assegurar la proteccion de l'emperaire. Ansin, en 1970, après l'acabament de sa tetralogia La Mar de la fertilitat, assaièt de menar un còp d'Estat que mau capitèt. Se suicidiguèt publicament per defugir la captura.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
