Archivat
La discussion çaijós foguèt desplaçada dempuèi de Tavèrna de Wikipèdia per aleujar aquesta pagina qu'arrèsta pas de s'alongar.
Autres projèctes en occitan
Doblidetz pas que i a d'autres projèctes de Wikimèdia en lenga occitana. N'i a qualques unes que son de desvolopar.
Wikipèdia fa part de la Fondacion Wikimedia qu'albèrga sus sos servidors dels projèctes liures, multilingües e gratuits.
| Meta-Wiki Coordinacion de totes los projèctes* |
Wikiccionari Diccionari universal |
Wikinews Actualitats liuras* | |||||
| Wikilibres Ensemble de tèxtes pedagogics |
Wikiquote Recuèlh de citacions* |
Wikisource Bibliotèca universala | |||||
| Wikiversitat Comunautat pedagogica dobèrta* |
Wikispecies Inventari del vivent* |
Wikimedia Commons Banca de donadas multimèdia* |
*Projècte sens version en occitan o parcialament traduit Cedric31 (d) 3 de març de 2008 a 22:50 (UTC)
Wikiquote en occitan ?
Es estada prepausada una "Request for new language" pel projècte Wikiquote per l'utilizaire Alan :
http://meta.wikimedia.org/wiki/Requests_for_new_languages/Wikiquote_Occitan
Cedric31 (d) 3 de març de 2008 a 22:54 (UTC)
Los portals
Adieu tot lo monde, quand un novèl utilizaire ven dins lo wikipèdia en occitan per lo primièr còp, e ben, lo paure es perdut ! I a un fum de portals mas son tot en roge, i a 60 portals (Acuèlh), mas 17 en blau. E los portals en blau, son pas terrible, sabi qu'es pas aisit de crear un portal perque un portal = un fum d'articles. Mas pensi que sèm un "pichon wikipèdia" e donc 60 portals es pas bon.. Es un vejaire/avís personal, mas pensi que 20 bon portals es bon. Donc prepausi de "fusionar" los portals. Preferi 60 portals, mas i a pas pro de monde e d'articles per lo moment. E tot aquel roge dins la primièra pagina, alara que i a 11 000 articles es pas terrible.. Mertyl (d) 4 de març de 2008 a 23:14 (UTC)
Siti o Sit ?
I a lo mòt siti per lo mòt sit dins un fum d'articles, sembla bon en gascon mas dins los autras articles, siti es correct ? Mertyl (d) 7 de març de 2008 a 14:20 (UTC)
- L'explicacion de l'Aubadaurada balhada al mes de novembre de 2006
"La forma occitana normativa es sit (per ex. un sit web). Es prescricha dins lo diccionari de Loís Alibèrt e es atestada dins de diccionaris niçards coma lo de Castellana. Aquel mot ven de l'italian sito.
La forma site (TDF) es tanben atestada en occitan mas es benlèu un francisme (cf. fr. site) e en tot cas, es mens referenciala que la forma sit d'Alibèrt e de la tradicion niçarda.
La forma siti* es un catalanisme que ven del vèrb catalan sitiar. Me sembla completament artificial e inutil de dire siti* en
occitan: aquela forma sembla pas d'aver la mendre tradicion."
(cf archius tavèrna : ) Cedric31 (d) 7 de març de 2008 a 17:46 (UTC)
- Mercé Cédric donc en gascon "siti" es pas bon e en general es melhor "sit" mas i a 100 articles amb lo mòt "siti" dins wikipédia. voldriài ben modificar mas ès segur qu'en gascon es incorrècte? Dins lo "Tot en un" de l'IEO i a siti/site, e dins "l'occitan tout de suite !" i a sit.
- Quand i a de contradiccions entre lei diccionaris, lei referéncias prioritàrias son lo CLO e Loís Alibèrt per la nòrma en generau (levat se i a una error manifèsta d'Alibèrt). Sit es la forma d'Alibèrt e es atestada dins la tradicion occitana (Castellana) (tanben trobam site dins la tradicion, mai segon Alibèrt, sit es preferible). Siti* es una forma artificiala, fòra nòrma e sens tradicion, inventada per leis occitanistas e copiada sus lo catalan. En gascon, siti* es pas una forma tradicionala (es absenta de Palai per exemple).--Nil Blau (d) 11 de març de 2008 a 22:55 (UTC)
- Mercé Cédric donc en gascon "siti" es pas bon e en general es melhor "sit" mas i a 100 articles amb lo mòt "siti" dins wikipédia. voldriài ben modificar mas ès segur qu'en gascon es incorrècte? Dins lo "Tot en un" de l'IEO i a siti/site, e dins "l'occitan tout de suite !" i a sit.
Longitud
I a qualques articles amb un "W" per la longitud, ex : (35° 52' 52" W), es d'anglés o i a un mot en occitan per oèst que comença per W ? E de mai i a pas de W en occitan donc me sembla estranh.. Mertyl (d) 14 de març de 2008 a 08:19 (UTC)
- Me sembla qu'es l'abreviacion internacionala de West (en anglés).Cedric31 (d) 15 de març de 2008 a 08:32 (UTC)
- Parièr, pensi qu'es "West" mas es pas melhor lo O de Oèst ?
- Sus aqueu sit d'una universitat catalana , admeton lei doas abreviacions, "O" e tanben "W" per leis usatges especializats. Aquela esitacion me sembla comuna a l'ensems dei lengas romanicas e benlèu la podèm admetre en occitan. Ara seriá preferible que dins la Wikipèdia occitana adoptessiam una abreviacion constanta e omogenèa: "O" pertot o "W" pertot... Pasmens es pas un drama se l'esitacion contunha... Se "O" sembla la solucion pus generala, benlèu la podèm generalizar.--Nil Blau (d) 15 de març de 2008 a 10:57 (UTC)
- Parièr, pensi qu'es "West" mas es pas melhor lo O de Oèst ?
Mençon "Occitània"
ScArf, compreni pas perque escafas la mençon "Occitània" aquí . Compreni pas coma pòdes justificar aquò. Siam dins la Wikipèdia occitana, vesi pas coma es possible que la mençon "Occitània" pòsca pausar problèma.--Nil Blau (d) 18 de març de 2008 a 10:52 (UTC)
Adishatz a tots,
me permetir de dar lo men punt de vista en disent en purmer que suu merro plan ideologic e teoric qu'ei mei que probable que siam tots d'acordi (que ns reconeishem de segur dens l'idea d'ua Occitania com especi culturau e istoric qui la lenga be n'ei un testimoniatge de la soa realiat).
Totun, se l'existencia istorica non se pot pas denegar deu punt de vista culturau, que sabem tots que legaument, Occitania que manca d'un moment qui's podere diser qu'ei estat la tempora d'un estat, o d'ua comtat aperada Occitania. Ne 'n vedi pas sonque un : lo 27 de gener de 1213 dab lo tractat d'aligança de mantuns parçans occitans de gasconha a Provenca dab lo rei d'Aragon contre lo senhers de nord (e que coneishem quin e s'acabore leu).
Occitania que demora un espaci reau e ancian (e mantuns, be l'esperam, ua realizacion administrativa dens l'aviener) mes au dia de uei b'ei pas jamei estat cap estat ni parçan ni marquesat ni comtat ni vecomtat ni region ni provincia eca. Se n'i a qui volen mentaver Occitania dens la categoria parçan o pais, non'm planharei pas. Totun, peu moment, que credi que non se pot pas objectivament aperar atau. Que podem diser que tau o tau vila qu'ei occitana (e de segur, aquiu que soi d'acordi dab Nil Blau, aquo non se pot pas denegar dens la wiki en occitan, que sere ua contradiccion) mes hicar Occitania dens la categoria Parçan o pais aquo b'ei pas ua informacion objectiva. Escriver Occitan per ua personalitat gascoa o provençau qu'ei "occitana" que 's pot considerar com estant ua informacion objectiva mes non remplaça pas la mencion "gascon" o "provençau" (au contre "gascon" o "provençau"que vou diser occitan). Que podem mentaver los dus (se non, la contestacion que demora possibla).
--Lembeye (d) 18 de març de 2008 a 14:37 (UTC)
- Adieu tot lo monde, pensi coma ScArf, la mencion Occitània es pas "indispensable". Soi de Milhau e per ieu, Milhau es dins l'avairon/lo roergue, la guiana, l'occitània, la frança, l'euròpa, la tèrra. Mas lo país de Milhau es lo roergue, la mencion "Occitània" m'embarrassa pas (ai un adesiu "Occitània" sus mon escotèr) mas per un país, lo mai pichon me sembla lo bon. Mertyl (d) 18 de març de 2008 a 15:18 (UTC)
- "País" significa pas "estat". Occitània es un país (d'òrdre culturau e lingüistic), degun ditz qu'es un estat.
- Dire qu'una vila coma Niça es en Occitània, es una informacion objectiva. Au nom de qué se pòt suprimir aquela informacion?
- Per sortir d'aquel embolh, prepausi d'omogeneïzar lei quadres dei vilas amb de categorias ben distintas: "país (culturau)", "region istorica o culturala", "parçan", "estat", "region administrativa", "departament/província" ("província" per leis estats italian e espanhòu), "país administratiu" (Pasqua e Voynet), "comunautat d'aglomeracion", etc.--Nil Blau (d) 18 de març de 2008 a 15:36 (UTC)
- Es pas util lo cambiament del modèl (un fum de trabalh per pas res), sabi ben qu'un país es pas un estat, Niça es en Occitània mas lo "primièr" país es lo Comtat de Niça, lo comtat de niça es una partida d'Occitània, Niça tanben, mas l'Occitània es granda, la mencion "Comtat de Niça, Provença me sembla mai adaptat". Mas compreni ton vejaire Nil Blau.
- Comtat de Niça
- Comtat de Niça, Provença
- Comtat de Niça, Occitània
- Comtat de Niça, Provença, Occitània
I a un fum de possibilitat, aimi mai lo primièr, Nil blau la tresena mas es pas un problèma en vertat. Devon avançar man dins la man dins la wikipèdia nòstra e pas nos embestiar amb "detalhs". Mertyl (d) 18 de març de 2008 a 16:24 (UTC)
- En responsa a Nil Blau : Coma Lembeye, Mertyl e los autres, ai interpretat aici la nocion de país coma lo país istoric ont se tròba la comuna. Sèm dins una enciclopèdia enfin cresi, Occitània a diferentas significacions segon lo punt de vista de cadun (d'un costat Occitania es UN pais un e indivisibla e de l'autre, Occitània amassa mantun païses istorics de lenga d'òc (veire Païses occitans)). Sèm tot d'accord per dire qu'Occitània es una realitat culturala e linguistica mas dins la realitat istorica, a pas jamai existida d'una maniera administrativa. Ieu tanben soi per clarifiar aquela situacion. ScArf (d) 18 de març de 2008 a 22:53 (UTC)
- Cresi que podèm trobar un acòrdi en destriant clarament la nocion vaga de "país" (Occitània es ben un país d'òrdre culturau) e la nocion administrativa d'"estat" (Occitània es pas un estat). La definicion lingüistica e culturala que donam a "Occitània" dins l'article Occitània es una definicion fòrça clara que fa l'unanimitat dins l'occitanisme e que se retròba dins lei diccionaris de divèrsei lengas. En partent d'aquò, de dire que Niça es en Occitània, vesi pas coma aquò pòt mancar de clartat.--Nil Blau (d) 18 de març de 2008 a 23:19 (UTC)
- gaita'quò Modèl:Infobox Comuna de França, es ben precisat region ist : indicar lo nom de la region istorica amb un ligam interwiki vèrs l'article de la region coma lo cresiái. ScArf (d) 19 de març de 2008 a 00:00 (UTC)
- Scarf, quand dises que i a "diferentas significacions" per Occitània, es pas verai, en realitat i a ben una definicion consensuala per Occitània que fonciona fòrça ben dins nòstra Wikipèdia. Me sembla que confondes benlèu la "definicion d'Occitània" qu'es consensuala e lei "projèctes per Occitània" que son divergents. Siam dins una enciclopèdia: la definicion consensuala es la sola causa que còmpta.--Nil Blau (d) 18 de març de 2008 a 23:24 (UTC)
- es consensuala per tu, sabes fòrça plan que la question es mai complicada qu'aquò. ScArf (d) 18 de març de 2008 a 23:33 (UTC)
- Es consensuala perque degun la contèsta dins Wikipèdia, e perque es la definicion dei diccionaris e dei libres de referéncia (per ex. Robèrt Lafont, Clefs pour l'Occitanie). Es una question complicada, efectivament, e es per aquò qu'ai insistit sus lei distincions entre "estat" e "país" o entre "definicion" e "projèctes".--Nil Blau (d) 18 de març de 2008 a 23:37 (UTC)
- es consensuala per tu, sabes fòrça plan que la question es mai complicada qu'aquò. ScArf (d) 18 de març de 2008 a 23:33 (UTC)
- Scarf, quand dises que i a "diferentas significacions" per Occitània, es pas verai, en realitat i a ben una definicion consensuala per Occitània que fonciona fòrça ben dins nòstra Wikipèdia. Me sembla que confondes benlèu la "definicion d'Occitània" qu'es consensuala e lei "projèctes per Occitània" que son divergents. Siam dins una enciclopèdia: la definicion consensuala es la sola causa que còmpta.--Nil Blau (d) 18 de març de 2008 a 23:24 (UTC)
- gaita'quò Modèl:Infobox Comuna de França, es ben precisat region ist : indicar lo nom de la region istorica amb un ligam interwiki vèrs l'article de la region coma lo cresiái. ScArf (d) 19 de març de 2008 a 00:00 (UTC)
- Cresi que podèm trobar un acòrdi en destriant clarament la nocion vaga de "país" (Occitània es ben un país d'òrdre culturau) e la nocion administrativa d'"estat" (Occitània es pas un estat). La definicion lingüistica e culturala que donam a "Occitània" dins l'article Occitània es una definicion fòrça clara que fa l'unanimitat dins l'occitanisme e que se retròba dins lei diccionaris de divèrsei lengas. En partent d'aquò, de dire que Niça es en Occitània, vesi pas coma aquò pòt mancar de clartat.--Nil Blau (d) 18 de març de 2008 a 23:19 (UTC)
- En responsa a Nil Blau : Coma Lembeye, Mertyl e los autres, ai interpretat aici la nocion de país coma lo país istoric ont se tròba la comuna. Sèm dins una enciclopèdia enfin cresi, Occitània a diferentas significacions segon lo punt de vista de cadun (d'un costat Occitania es UN pais un e indivisibla e de l'autre, Occitània amassa mantun païses istorics de lenga d'òc (veire Païses occitans)). Sèm tot d'accord per dire qu'Occitània es una realitat culturala e linguistica mas dins la realitat istorica, a pas jamai existida d'una maniera administrativa. Ieu tanben soi per clarifiar aquela situacion. ScArf (d) 18 de març de 2008 a 22:53 (UTC)
Infobox
Adishatz, Per jo, lo cambiament d'infobox non sere pas ua idea de las malas. Que credi que i a un besonh aquiu, au mens d'omogeneizacion puish que certas infobox que son partidariament (e involotariament solide) pro francesas (dab la localizacion en franca sus la mapa). En mei d'aquo qu'avem lo problema qu'ua comuna b'ei pas tostemps ua vila. Per exemple, quan parli de la comuna d'Os-Masilhon, que parli de duas vila bearnesas quitament pas tocatocantas mes qui forman ua entitat per l'estat frances. Un article per la comuna, per que pas (franca e Os-Marsilhon qu'exiteishen de segur), mes Os e Marsilhon que son duas vilas qui s'ameritan dilheu un article, au mens ua redireccion.
Desolat d'anar mei luenh, mes la region Auvarnhe qu'ei ua region administrativa (qu'existeish de segur) totun lo mot Auvernhe que deu miar au pais occitan (com l'avem ja heit aquiu) mes aquo que vau tanben par Aquitania, Picardia, Normandia.
Adara, per tornar au pais, credi que lo cas d'Occitania qu'ei unic e que diseri un pauc vergonhos d'ostender ua forma messianica de nacionalisme que'n soi fier. Occitania b'ei pas comparabla a un sarrot de pais. Non se pot pas denegar, qu'aja tostemps existit e totun shens cap forma de reconeishenca administrativa ni de poder administratiu (d'aqueth punt de vista non vedi pas qu'Israel com comparason possibla - en me desencusant per 'mor que degun a pas a partajar aqueth punt de vista personau).
Peu moment b'aimari pas especiaument ua solucion "X=Occitania" com "Pais=Provenca". Totun, per que pas har ua infobox especificament "vila occitana" (aquo be sere lo titol) atau om dit clarament e en purmer que la vila qu'ei occitana (aquo qu'ei objectiu, om ei d'Occitania per la lenga). Puish dens la informacions om hica "pais=Auvernhe, Bearn..", puish l'estat qui administra (franca, Espanha) e l'estatut (vila, comuna, municipio, comune). Atau om dit pas que la comuna qu'ei Auvernhata abans d'estar Occitana o los dus o lo contre, om defrancisa shens parcialitat (en vertat om imparciliza derridianament) e om hica sus un pe d'egalitat totas las vilas occitana quin que hosse lo lor pais.
a beth leu e dinc a las purmeras,
--Lembeye (d) 18 de març de 2008 a 17:11 (UTC)
- Adieussiatz a totes.
Pensi ieu tanben que nos cal fargar una infobox especifica per las vilas occitanas, per fin d'i veire mai clar dins tot aquò. L'idèa prepausada per Lembeye me sembla pas marrida. Podriám tanben començar totes aqueles articles sistematicament per la formula "X es una vila occitana...", amb un ligam [Occitània|occitana], d'aquel biais las causas serián pus claras e los articles pus omogenèus. Coralament. Jiròni (d) 18 de març de 2008 a 19:05 (UTC)
- Soi d'accòrd amb la proposicion de Lembeye. Es clara, objectiva e neutra. Tanben soi per remplaçar la mapa de Françà per la d'Occitanià amb dessus las regions istoricas que la compausan. ScArf (d) 18 de març de 2008 a 23:02 (UTC)
- Sosteni tanben la proposicion de Lembeye, qu'es nèutra e objectiva. Feliciti Lembeye per sa clartat intellectuala e per sa capacitat de suscitar un consens. Ajusti doas proposicions tecnicas: 1 l'infobox entitolada "localitat d'Occitània" permetriá d'englobar tant lei vilas coma lei vilatges 2 li poiriam donar de versions dialectalas, tot en gardant la meteissa estructura de fons.--Nil Blau (d) 18 de març de 2008 a 23:30 (UTC)
Evitar una guèrra d'edicion
Constati que ScArf comença una revocacion sistematica de mon trabalh aquí , , , , , , . Es pas una actitud constructiva ni respectuosa, mentre qu'ai invitat Scarf a venir debatre aicí dins la Tavèrna per trobar una solucion consensuala. Es pas tanpauc una actitud normala venent d'un administrator. Cau evitar la guèrra d'edicion e trabalhar dins lo sens d'una solucion consensuala (Lembeye n'a fornida una).--Nil Blau (d) 19 de març de 2008 a 00:47 (UTC)
- Fau que respectar aquò Modèl:Infobox Comuna de França, es pas una guèrra d'edicion, es simplament lo respect de las reglas. Coralament. ps : si fas encara una remarca atal Es pas una actitud normala venent d'un administrator, sias blocat sustot es pas lo primièr còp. M'agrada pas d'en venir aqui. ScArf (d) 19 de març de 2008 a 00:59 (UTC)
- Es extraordinari: un administrator me menaça de me blocar perque ausi exprimir de criticas sus son trabalh d'administrator. Fas un abús de poder caracteristic. Ton estatut d'administrator t'autoriza pas de far aquò. Pèrdes completament ta credibilitat.--Nil Blau (d) 19 de març de 2008 a 01:21 (UTC)
- mon interpretacion personala ???? region ist : indicar lo nom de la region istorica amb un ligam interwiki vèrs l'article de la region, es pron clar non o Occitània es devenguda una region e non pas un país ara. As cambiat de vejaire ???? Caparut !ScArf (d) 19 de març de 2008 a 01:29 (UTC)
- Lo problèma es que i a pas totjorn una rubrica adequata dins leis infobox per botar "Occitània", a causa de l'eterogeneïtat deis infobox. Siáu pas caparut, trabalhi coma pòdi amb leis infobox que son disponibles. Autra causa: atendi teis excusas per ton comportament autoritari, per tei menaças e per ton abús de poder. Te conselhi de legir tei drechs e tei devers a Wikipèdia:Administrator.--Nil Blau (d) 19 de març de 2008 a 01:36 (UTC)
- I a pas d'eterogeneïtat de las infobox, per que la preconisada es aquela Modèl:Infobox Comuna de França. Apuèi farai pas d'excusas per que sabes fòrça plan qu'es pas lo primièr còp que criticas mon ròtle d'administrator quand soi pas d'accòrd amb tu. Tot lo monde sap ton fonccionament. ScArf (d) 19 de març de 2008 a 01:57 (UTC)
- As començat una guèrra d'edicion. E me menaças de me blocar per una question d'opinion. Es ton biais de foncionar que viòla lei règlas de Wikipèdia.--Nil Blau (d) 19 de març de 2008 a 02:03 (UTC)
- Encara un còp region ist : indicar lo nom de la region istorica amb un ligam interwiki vèrs l'article de la region, doncas per tu Occitània es una region istorica ???? Vòli saber una region istorica de qual país ??? ScArf (d) 19 de març de 2008 a 02:15 (UTC)
- Encara un còp, i a d'infobox eterogenèus, d'aquí la dificultat d'emplenar lei rubricas (agacha leis infobox de Tolon, Niça, Baiona, Lemòtges, Tolosa, etc). Encara un còp, coma pòdes justificar ton actitud, tu que siás administrator, quand practicas la guèrra d'edicion e quand menaças de blocatge per diferéncia d'opinion? As pas lo drech de far aquò, agacha Wikipèdia:administrator.--Nil Blau (d) 19 de març de 2008 a 02:22 (UTC)
- eh ben, pòdes remplaçar aquelas infobox per la bona, es aisit non ? Apuèi ai pas menaçat de blocatge per diferència d'opinion mas per criticas repetitivas sens fondament, es diferent. Soi pas lo primièr amb que sias en conflicte e ieu coma per asard soi jamai en conflicte amb pas digus fòra tu !! Bizarre vous avez dit bizarre !! ScArf (d) 19 de març de 2008 a 02:32 (UTC)
- Pòdi pas remplaçar leis infobox mentre que fas una guèrra d'edicion: te trufas dau mond... D'autres que ieu tanben t'an criticat, siáu pas lo sol: t'arriba jamai de te remetre en question? En tot cas aquò es pas lo problèma. As pas lo drech de violar lei règlas de Wikipèdia, e mai se t'imaginas d'aver la majoritat amb tu. Aquò se sòna la "deontologia".--Nil Blau (d) 19 de març de 2008 a 02:45 (UTC)
- Cresi que ton objectiu es de faire partir tot lo monde d'aqueste wiki. Capsot, Gavach, Matieu Castèl, Danís ... Doncas siás blocat pendent 3 jorns per ton comportament general contrari al trabalh collectiu de wikipèdia e per temptativa d'intimidacion sus un administrator. Preni la responsabilitat d'aquela accion. ScArf (d) 19 de març de 2008 a 13:20 (UTC)
- Pòdi pas remplaçar leis infobox mentre que fas una guèrra d'edicion: te trufas dau mond... D'autres que ieu tanben t'an criticat, siáu pas lo sol: t'arriba jamai de te remetre en question? En tot cas aquò es pas lo problèma. As pas lo drech de violar lei règlas de Wikipèdia, e mai se t'imaginas d'aver la majoritat amb tu. Aquò se sòna la "deontologia".--Nil Blau (d) 19 de març de 2008 a 02:45 (UTC)
- eh ben, pòdes remplaçar aquelas infobox per la bona, es aisit non ? Apuèi ai pas menaçat de blocatge per diferència d'opinion mas per criticas repetitivas sens fondament, es diferent. Soi pas lo primièr amb que sias en conflicte e ieu coma per asard soi jamai en conflicte amb pas digus fòra tu !! Bizarre vous avez dit bizarre !! ScArf (d) 19 de març de 2008 a 02:32 (UTC)
- Encara un còp, i a d'infobox eterogenèus, d'aquí la dificultat d'emplenar lei rubricas (agacha leis infobox de Tolon, Niça, Baiona, Lemòtges, Tolosa, etc). Encara un còp, coma pòdes justificar ton actitud, tu que siás administrator, quand practicas la guèrra d'edicion e quand menaças de blocatge per diferéncia d'opinion? As pas lo drech de far aquò, agacha Wikipèdia:administrator.--Nil Blau (d) 19 de març de 2008 a 02:22 (UTC)
- Encara un còp region ist : indicar lo nom de la region istorica amb un ligam interwiki vèrs l'article de la region, doncas per tu Occitània es una region istorica ???? Vòli saber una region istorica de qual país ??? ScArf (d) 19 de març de 2008 a 02:15 (UTC)
- As començat una guèrra d'edicion. E me menaças de me blocar per una question d'opinion. Es ton biais de foncionar que viòla lei règlas de Wikipèdia.--Nil Blau (d) 19 de març de 2008 a 02:03 (UTC)
- I a pas d'eterogeneïtat de las infobox, per que la preconisada es aquela Modèl:Infobox Comuna de França. Apuèi farai pas d'excusas per que sabes fòrça plan qu'es pas lo primièr còp que criticas mon ròtle d'administrator quand soi pas d'accòrd amb tu. Tot lo monde sap ton fonccionament. ScArf (d) 19 de març de 2008 a 01:57 (UTC)
- Lo problèma es que i a pas totjorn una rubrica adequata dins leis infobox per botar "Occitània", a causa de l'eterogeneïtat deis infobox. Siáu pas caparut, trabalhi coma pòdi amb leis infobox que son disponibles. Autra causa: atendi teis excusas per ton comportament autoritari, per tei menaças e per ton abús de poder. Te conselhi de legir tei drechs e tei devers a Wikipèdia:Administrator.--Nil Blau (d) 19 de març de 2008 a 01:36 (UTC)
- mon interpretacion personala ???? region ist : indicar lo nom de la region istorica amb un ligam interwiki vèrs l'article de la region, es pron clar non o Occitània es devenguda una region e non pas un país ara. As cambiat de vejaire ???? Caparut !ScArf (d) 19 de març de 2008 a 01:29 (UTC)
- Es extraordinari: un administrator me menaça de me blocar perque ausi exprimir de criticas sus son trabalh d'administrator. Fas un abús de poder caracteristic. Ton estatut d'administrator t'autoriza pas de far aquò. Pèrdes completament ta credibilitat.--Nil Blau (d) 19 de març de 2008 a 01:21 (UTC)
- Adiu! Pensi que d'en primièr, tot lo mond se deu apasimar... Soi opausat a l'idèa de blocar qual que siá ; ja que sèm pas nombroses... La question estat/nacion pausa sovent de problèmas e ne sèm plan conscients... Prepausi de portar lo problèma al vòte e de vos preparar dins los jorns venents una procedura de presa de decision ont cada utilizaire poirà expausar son vejaire. Atal, arribarem a una solucion concertada e consensuala. Tanben prepausi, dins l'espèra d'aquesta presa de decision de modificar pas mai los articles concernits. Sètz de mond intelligents e de contributors actius amb una implicacion constructiva, soi segur que vos anatz poder entendre! Plan coralament! Cedric31 (d) 19 de març de 2008 a 07:00 (UTC)
ScArf, pòdes pas blocar qualqu'un pr'amor d'una brega personala, ton vejaire personal es una causa, ton ròtle d'administrator n'es una autra. Cal servar lo cap e las idèas claras e respectar la libertat de paraula de cadun! Soi completament opausat a una tala practica qu'es assimilabla a un abus de poder.Jiròni (d) 19 de març de 2008 a 14:18 (UTC)
- Nil Blau/Aubadaurada a estat prevengut mantun còps, a criticat mon imparcialitat sens fondament per lo passat Wikipèdia:La tavèrna/007, a estat en conflicte amb mantuna personas e a fait una temptativa d'intimidacion, aquò sufis per essèr blocat pendent 3 jorns. ScArf (d) 19 de març de 2008 a 14:36 (UTC)
- Per acabar, vos convida a legir aquò :
- Aubadaurada:
- Un cas infiniment différent, presque miroir d'Enzino. Il assume complètement son POV pushing et se :plaint en permanence de l'absence d'arbitrage sur le fond, et se refuse à tout compromis :significatif. Il a aussi réussi à faire fuir pas mal de monde des articles sur lesquels il :intervient. Il est systématiquement agressif, lassant, se battant sur la moindre virgule, refusant :tout compromis. Il est beaucoup plus direct qu'Enzino, se fiche des règles et usages de WP en se :reposant sur son "expertise", pose des problèmes visibles et se fait bloquer mais n'en tire aucune :leçon. Son cas est beaucoup plus simple à appréhender: pour moi il n'a rien à faire sur WP.
- Es exactament la mesma causa aici amb temptativa d'intimidacion sus administrator en mai. A estat tanben blocat sus la wiki francesa . Preni mas responsabilitats per lo bon fonccionament de la wikipedia en esperant qu'Aubadaurada va se remetre en question. ScArf (d) 19 de març de 2008 a 21:09 (UTC)
WP:NdPV
- La neutralitat de punt de vista o punt de vista neutre es un principi fondator de Wikipèdia que totes los articles devon respectar. Segon Jimbo Wales, agent designat de Wikipedia, « la neutralitat de punt de vista es absoluta e non negociabla » .
- Wikipèdia es fondada sus un principi fòrt important : en dos mòts, los articles devon èsser escriches de biais a ne pas prendre partit per un punt de vista puslèu que per un autre. Al contrari, s'agís de presentar totes los punts de vista pertinents, mas de n'en adoptar pas cap. Cal doncas jamai afirmar, jos-entendre o quitament daissar créser qu'un dels punts de vista es d'un biais quin que siá melhor, egal o mens bon qu'un autre.
- Escriure de biais neutre es un art necessitant de practica. La neutralitat de punt de vista es l'objècte d'analisis nombrosas, interpretacions e rafinaments dins Wikipèdia. Esitez pas a participar al mòde d'emplec.
- Escriure d'un punt de vista neutre consistís pas a adoptar un punt de vista intermediari, mas a presentar e identificar clarament cada punt de vista.
- Lo punt de vista neutre es pas cap dels punts de vista presentats. Escriure d'un punt de vista neutre consistís a presentar cada punt de vista amb la meteissa distance.
- La neutralitat de punt de vista interditz tot jutjament sus un punt de vista. Aquò significa qu'interditz non solament de pretendre qu'un punt de vista es melhor qu'un autre, mas interditz tanben de pretendre que dos punts de vista, e mai totes los punts de vista, se valon.
- Escriure d'un punt de vista neutre consistís pas a prendre partit per la majoritat, quitament aprèp aver evocat totes los punts de vista. Tot punt de vista es subjectiu e dependent de consideracions socialas, temporalas e geograficas. La tòca es doncas pas de trobar una veritat o una nòrma que de tot biais evolueisson segon l'endrèich, lo grop e lo temps.
- Presentar totes los punts de vista pertinents deu pas daissar lo lector amb una massa de punts de vista contradictòris indicant simplament que « cèrts » pensan aiçò e d’« oposants » pensantaquò. Los tenents de cada punt de vista devon èsser identificats sens ambigüitat. Cal non solament presentar totes los punts de vista, mas en mai d'aquò, identificar qui (quin partit politic, quin corrent filosofic, etc.) sosten cada punt de vista, de manièra que lo lector posca se far una idèa de la representativitaté de cada partida en preséncia.
- Aquesta règla permèt notament d'empachar de far passar un punt de vista personal o conflar un punt de vista minoritari jos un vague « cèrts dison », « se pòt remarcar », etc., que la pertinéncia ne pòt èsser inverificabla.
- Un autre principi fondator es qu'un article deu èsser pertinent, e doncas que los punts de vista presentats devon èsser pertinents. Es per aquesta rason que lo punt de vista d'un simple Wikipedian a pas sa plaça dins un article, quitament se es presentat d'un punt de vista neutre.
Tot aquò e's considera enqüèra vigent ací?
Planh per abús de poder
Ai exprimit un planh còntra Scarf per abús de poder aquí: Wikipèdia:Administrator/Planhs. Nil Blau (amb una IP provisòria, perque me pòdi pas defendre autrament)--213.41.200.31 (d) 20 de març de 2008 a 12:21 (UTC)
- respectas pas encara las reglas, es devengut une abituda. L'Ip es blocada ara pendent 3 jorns. ScArf (d) 20 de març de 2008 a 15:48 (UTC)
- Respècti totei lei règlas, e tu lei viòlas, coma o ai demostrat a Wikipèdia:Administrator/Planhs.--Nil Blau (d) 22 de març de 2008 a 20:34 (UTC)
Recidiva
A prepaus dau novèu Modèl:Infobox comuna occitana. Scarf aqueste infobox que preparas torna provocar un problèma. Te demandi d'aver una actitud pus consensuala. Ne parli a Wikipèdia:Administrator/Planhs#Recidiva.--Nil Blau (d) 28 de març de 2008 a 19:39 (UTC)
Tanben e tamben
I a qualques articles (43) amb lo mot "tamben" amb un "m" per "tanben". Es una varianta regionala o es pas bon ? Mertyl (d) 20 de març de 2008 a 10:03 (UTC)
- L'ortografia normala es totjorn tanben amb una n (ven de tan + ben): lo mot se pronóncia /tabé/ o /tambèn/ segon lei dialèctes. Nil Blau (amb una IP provisòria)--213.41.200.31 (d) 20 de març de 2008 a 12:37 (UTC)
Bermudas
I a un problèma tecnic amb l'infobox de l'article Bermudas qu'ai pas capitat de resòlvre. Se qualqu'un i arriba...Coralament. Jiròni (d) 26 de març de 2008 a 21:36 (UTC) fach!--Vivian13 (d) 26 de març de 2008 a 21:42 (UTC)
Article de qualitat
Adieu-siatz ! Ara, podètz prepausar d'articles potencialament de qualitat, es aquí. Ai fait una pichona lista d'articles que pòdon èsser de qualitat amb un pauc de trabalh dessús :
ScArf (d) 27 de març de 2008 a 16:06 (UTC)
Infobox per la comuna occitana
Adieu-siatz, ai creat una infobox per las comunas occitanas de França, caldriá tanben faire la mesme causa pus tard per las d'Espanha e d'Italià. Sus aquela infobox, ai met en primièr las informacions sus l'administration (Estat:França, ..) puèi las informacions istoricas (País cultural: Occitània, País istoric:). Ben leu voletz lo contrari amb en primièr las informacions istoricas e en segond las informacions sus l'administration. O encara, aquela infobox vos agrada pas. Vos convida a votar e en discutar aicí (ps : la mapa sur lo modèl es un exemple, existís pas encara una mapa d'Occitània per localizar las comunas). ScArf (d) 28 de març de 2008 a 23:35 (UTC)
Per
Contra
Neutre
Discussion
En purmer e mei que mei, merces per aqueth tribalh.
Peu moment, tau com ei, co qui'm plau que son : la mapa d'Occitania, las categorias hornidas (paja web, altituda mejana, lo chafre) e l'escut qu'ei de mei bon veder atau. Tanben que pensi qu'ei ua idea de las bonas de desseparar l'administracion de la resta.
Co que cambiari dens l'estat present (mes ne cau parlar tots amassas de segur e jo lo purmer que poish cambiar d'idea enter temps) que sere :
_ Per la mapa : suspausi qu'avem aquiu la mapa especifica per ua infobox lengadociana, donc que'n calere ua per cada pais occitan (atau om pot adaptar lo mot escais, per exemple, a cada varianta de l'occitan). Se n'avossi personaument las capacitats graficas qu'emplegari ua color clara (en loc deu blanc) per Occitania e la medisha mei escura peu pais concernit (com arroset e arroi per exemple), que boishari las termieras qui's perlongan dehens Franca (las termieras enter departaments frances qui non son pas toca tocant dab Occitania) o que dessenhari en las perlongar la termiera regionau d'Italia e d'Espanha (autament la carta que demora ua carta culturaument e politicament francesa).
_Que mentaveri lo pais (abans las informacions administrativas (mes equera un cop, que presi aquesta separacion) : atau om hica Bearn o Lengadoc abans lo nom de la region francesa (inventada hera de temps arron). Personaument, b'emplegari pas los mots "Istoria" "istoric" per lo pais (per'mor lo pais qu'ei tanben present : uei om pot estar au medish moment e au medish loc en Bearn e dens los Pireneus Atlantics). Que son duas categoria superpausada : lo pais e la region administrativa.
_Lo problema que demora qu'ei la competicion pais/pais (qu'ei a diser Occitania/Lengadoc). Qu'ei per aquesta rason que perpausavi de hicar un titol d'infobox (per exemple Vila Occitana o Vila d'Occitania) ; atau om mentau Occitania shens definir cap estatut politic e om evita la competicion dab Lengadoc, Provenca o Auvernhe ; e om se guarda la categoria pais sonque per Lengadoc, Provenca e Auvernhe.
Aqueths que seren los cambiaments per jo (peu moment shens n'aver parlat dab los autes utilizaires).
Un gran merces e dinc a las purmeras.
--Lembeye (d) 29 de març de 2008 a 19:58 (UTC)
- ai fait dels cambiaments segon tas remarcas, si ai plan compres, aquò balha quicòm atal . Per la mapa es quicòm de provisòri, es per balhar una idèa. Sabes faire de polida mapa ??? ScArf (d) 29 de març de 2008 a 23:14 (UTC)
- Una presa de decision, aquò s'organiza sus una pagina adequata (Wikipèdia:presa de decision), aquò se fa pas dins la Tavèrna. La gestion d'aquesta Wikipèdia es de mai en mai desordenada.--Nil Blau (d) 31 de març de 2008 a 09:29 (UTC)
Resultat
Incúria
Tot es aquí.--Nil Blau (d) 31 de març de 2008 a 09:50 (UTC)
- D'en primièr, desencusatz d'èsser pas estat gaire present d'aquesta passa... Ai dobert un vòte dins la pagina de planh. Sol un comitat d'arbitratge a lo poder de jutjar un planh contra un administrator e n'avèm pas... Doncas, deu votar la comunautat! Cedric31 (d) 31 de març de 2008 a 15:50 (UTC)
- Dises :L'incultura d'aquel administrator, cresiái que valiás mai qu'aquò. Es un manca de respect de remetre en causa las competencias dels wikipedians, es fòrça grèu. ScArf (d) 31 de març de 2008 a 17:52 (UTC)
- D'en primièr, desencusatz d'èsser pas estat gaire present d'aquesta passa... Ai dobert un vòte dins la pagina de planh. Sol un comitat d'arbitratge a lo poder de jutjar un planh contra un administrator e n'avèm pas... Doncas, deu votar la comunautat! Cedric31 (d) 31 de març de 2008 a 15:50 (UTC)
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
