En anatomia, una vena es un vaissèl que permet lo transpòrt de la sang dempuèi los palmons o dempuèi totes autres teissuts de l'organisme cap al còr (retorn venós):
dempuèi los palmons cap al còr: las venas transpòrtan la sang rica en dioxigèn e atal se tornar distribuir dins l'organisme dins la circulacion sistemica (o granda circulacion). Sont las venas pulmonaras.
dempuèi los autres organs cap al còr: las venas transpòrtan la sang paura en oxigèn e cargada en dioxid de carbòni, per que siá «netejada» pels palmons dins la circulacion pulmonara (o «pichona circulacion»). Son l'ensems de las autras venas.
Sistèma venòs
Las venas aumentan lo diamètre a mesura que recuèlhon la sang dels vaissèls que se jonhon (coma un riu).
Las parets de las venas son elasticas.
Copa d'una vena amb valvula qu'evita la circulacion en sens contrari. 1: sens de circulacion 2: Valvulas
Venulas: diamètre comprés entre 0,2 e 1mm. Lor estructura es pro simpla amb un teissut conjontiu plan desvolopat: es l'adventica
Venas de calibra mejan: diamètre inferior o egal a 1cm.
Aqueles dos tipes de venas contenon de valvulas qu'impausan le sens de circulacion de la sang e empachan los retorns. Possedisson aquel sistèma per lutar contra la pesantor
Venas de calibre gròs: diamètre superior a 1cm, las mai prèp del còr, aquelas venas contenon pas de sistèma de valvas.