Víctor Jara
From Wikipedia, the free encyclopedia
Remove ads
Víctor Lidio Jara Martínez (San Ignacio, Chile, 28 de setembre de 1932 - Santiago de Chile, 16 de setembre de 1973) foguèt un cantautor, poèta, director de teatre e activista politic chilen. Per encausa de son engatjament politic foguèt arrestat aprèp lo Còp d'estat de Chile de l'11 de setembre de 1973. Moriguèt qualques jorns mai tard, lo 16 de setembre en seguida de las torturas exercidas pels militars chilens durant son interrogatòri.
Remove ads
Biografia
Víctor Jara nasquèt en 1932 a Longuén dins una familha fòrça modèsta. Sos parents, Manuel Jara e Amanda Martínez, èran de pageses paures. Sa mainadesa se debanèt ailà, dins aquela localitat prèpa de la capitala. Passèt puèi sa joventut a Santiago, dins la Población Nogales. A la mòrt de la maire dintrèt al Seminari Redemptorista de San Bernardo. Demorèt lai un pauc mai d'un an.
En 1957, s'integrèt a l'ensems de cants e danças folcloricas Cuncumén, creat ras d'unes corses de sason faches per Margot Loyola. Foguèt durant aquel temps, tanben, que se faguèron sos primièrs contactes amb Violeta Parra, que l'encoratgèt a contunhar sus la dralha de cantaire.
Dos ans mai tard, en 1959, quand aviá pas que 27 ans, realizèt sa primièra experiéncia dins lo domeni de la direccion teatrala: dirigiguèt Parecido a la felicidad, una òbra d'Alejandro Siveking. Viatgèt puèi en portar l'òbra per Argentina, Uruguai, Veneçuèla e Cuba. Aquel meteis an enregistrèt amb l'ostal discografic Emi-Odeon, en cantant coma solista del Cuncumén, dos nadalets que li aviá ensenhat Violeta Parra.
En 1960 assistís en l'en direccion cap Pedro de la Barra en lo montatge de La viuda de Abaplaza, de Germán Luco Cruchaga. Posteriorament, dirigís La mandràgora, de Nicolau Maquiavèl.
Remove ads
Wikiwand - on
Seamless Wikipedia browsing. On steroids.
Remove ads