Seccion Paulina
From Wikipedia, the free encyclopedia
From Wikipedia, the free encyclopedia
La Seccion Paulina Bearn Pirenèus (var. Seccion Palenca, en francès Section paloise) (prononciat en francés: [sɛk.sjɔ̃ pal.waz] e prononciat: [sekˈsju paw'liŋ] en bearnés) qu'es un club de rugbi de XV fondat en 1902 e part integranta deu club omnisports francés de la Seccion Paulina, establit a Pau dens los Pirenèus-Atlantics. Equipa profesional despuish 1998 lo club Paulina qu'es presidat per Bernard Pontneau despuish 2006. L'equipa primèra, entranada per Sebastien Piqueronies, que juega en Top 14.
|
Seccion Paulina | ||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
 | ||||||||||||||||||||||||||||||
| Generalitats | ||||||||||||||||||||||||||||||
| Escais(ses) | La Seccion | |||||||||||||||||||||||||||||
| Data de fondacion | 3 d'abriu de 1902 | |||||||||||||||||||||||||||||
| Estatut professional | 1èr de julhet de 1998 | |||||||||||||||||||||||||||||
| Colors | Verd e blanc | |||||||||||||||||||||||||||||
| Estadi | Estadi deu Amèu (14 999 plaças) | |||||||||||||||||||||||||||||
| Sèti | Estadi deu Amèu Baloard de l'aviacion 64000 Pau | |||||||||||||||||||||||||||||
| Campionat actual | Top 14 | |||||||||||||||||||||||||||||
| President |  Bernard Pontneau | |||||||||||||||||||||||||||||
| Entraïnaire | Sébastien Piqueronies | |||||||||||||||||||||||||||||
| Site web | www.section-paloise.com | |||||||||||||||||||||||||||||
| Camisòts | ||||||||||||||||||||||||||||||
| ||||||||||||||||||||||||||||||
| Actualitats | ||||||||||||||||||||||||||||||
 Campionat de França de rugbi Top 14 en 2024-2025 | ||||||||||||||||||||||||||||||
La Seccion qu'ei en operacion despuish 1991 au camp deu Hameau, aprèp aver pisat pendent 80 ans la pelsa de l'estadi de la Cros deu Princèp (1910-1990). Lo club qu'a ganhat tres còps lo campionat de França en 1928, 1946 e 1964. La Seccion qu'a tanben ganhat lo trofeu Yves du Manoir tres còps, en 1939, 1952 e 1997. Au nivèu continentau, la Seccion qu'a ua victòria en Challenge europenc en 2000. Finalament, lo club qu'agana un títol de campion de França de Pro D2 en 2015.
Endroit fòrt deu rugby francés e club emblematic deu Bearn, la Seccion palois qu'a estat marcada per de personalitats com Robert Paparemborde, François Moncla, Nano Capdouze e los fraires Albert e Théo Cazenave. Portat per son public e per ua plentat de actors economics, enter los quaus lo grop Total, lo club qu'arreflexa ara a representar mei amplament lo rugby pireneenc au somèth de la hiarquia francésa.
En 1912, la Seccion qu'adoptè los colors verd e blanc. Que guanhè lo son purmèr títol de campion de França en 1928 contra l'US Quillan.
La Seccion que tornè campion de França en 1946, en har càder lo FC Lorda. En 1952, que guanhè lo Challenge Yves du Manoir.
Robert Paparemborde que debutè dab la Seccion en 1968. Lo club que passè per periòdes meis o mens bons, dab quauques sasons en Grop B.
En 1990, lo club que deishè l'istoric Stade de la Croix du Prince tà anar au Estadi deu Amèu. Que guanhè lo Challenge Yves du Manoir en 1997 e l'European Shield en 2000. Mes que davalè en Pro D2 en 2006.
La Seccion que tornè montar en Top 14 en 2015. Dab l'arribada de Simon Mannix com manager, lo club qu'a recrutat jogadors de renòm internacionau com Colin Slade, Carl Hayman e Conrad Smith.
Uei, l'equipa purmèra qu'ei entrenada per Sébastien Piqueronies, ancian selector de l'equipa de França mensh de 20 ans dab qui e guanhè dus títols mondiau.
Los colors de la Seccion Paulina que son lo verd e lo blanc dempuish 1912. Mei abans, los jogaires que portavan malhòts blus e negres (un legat deu Stade palois) qui estón lèu abandonats tà aquestes naueths colors. Jean Plaà (manager a l'epòca) que justificà aquesta causida : lo verd que representa las esperanças deu club e lo blanc la nhèu deus Pirenèus en Biarn. Dempuish, qu'ei vadut costuma tà las equipes deu club de portar un malhòt blanc a casa e un malhòt verd dehòra.
L'escut de la Seccion Paulina que representa lo Pic de Mieidia d'Aussau, enrodlat de verd e blanc. Lo Pic de Mieidia d'Aussau qu'ei ua punta pirenenca, subernomat locaument Jo-Pèir qui simboliza la region tà hèra de gents deu Biarn.
L'imne oficiau de la Seccion Paulina qu'ei la Honhada dempuish març de 2012. La cançon, compausada per Didier Fois (Arraya, hestivau Hestiv'Oc, Ostau Bearnés), qu'estó reçabuda dab sentiments mesclats aus sons purmèrs dias mes que vadó lèu indispensabla taus supòrters, qui la cantan au començament de cada partida.
Cançons tradicionaus biarnesas deu grop locau Nadau com l'Encantada e De cap tà l'immortèla atau com lo famós imne biarnés Se Canta que son tanben hèra populars entre los fidèus locaus. De cap tà l'immortèla qu'estó longtemps considerada com l'imne non-oficiau de la Seccion Paulina pr'amor qu'ei tan populara dab lo public.
La mascòta deu club qu'ei un ors aperat Bearnie (prononciat "Bernie"). L'ors qu'estó causit pr'amor qu'ei un deus simbòls deus Pirenèus, e lo son nom qu'ei un jòc de mots dab Biarn, la region dont Pau ei la capitala dempuish 1464.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
