Sava (Danubi)
From Wikipedia, the free encyclopedia
La Sava es un grand riu navegable afluent del Danubi que s'escor per las actualas Eslovènia, Croàcia, Bòsnia e Ercegovina e Serbia. Mai sovent se considèra coma la limita nòrd dels Balcans. Al temps de l'Empèri Roman lo nomenèron Savus (Σάος o Σάουος). A l'epòca una part del riu èra de frontièra entre lo Reiaume de Norica e Panònia; la partida bassa del riu s'escorriá per Panònia e las principalas ciutata èran situadas sus ls seunas ribas.
La Sava a doas fonts principalas, ambedoas al nord-oèst d'Eslovènia, als Alps. L'origina de la Sava Dolinka es a Zelenci prèp de Kranjska Gora. L'autra branca del riu nais jol nom de Savica ("pichona Sava") e s'escampa dins lo lac Bohinj, al sortir pòrta lo nom de Sava Bohinjka. Las doas brancas del riu confluisson a Radovljica, e a partir d'aquel punt lo riu pren lo nom de Sava e las tèrras que l'entornan son la val de la Sava. Aquel s'ecorre cap a l'èst parallel al Drave, que raja mai al nòrd, s'escampant dins lo Danubi a Singidunum.
Los afluents mai importants son rius: Ljubljanica (que passa a Ljubljana), Savinja, Mirna, Krka, Sotla, Kupa, Lonja, Orljava, Bosut, Una, Vrbas, Ukrina, Bosna, Tinja, Lukovac, Drina a Kolubara.
Entre las ciutata banhadas per la Sava i a Kranj, Zagorje ob Savi, Trbovlje, Hrastnik, Radeče, Sevnica, Krško e Brežice en Eslovènia; Zagrèb, Sisak, Slavonski Brod e Županja en Croàcia; Bosanski Šamac e Brčko en Bosnia e Ercegovina; Sremska Mitrovica, Šabac e Belgrad en Serbia.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
