From Wikipedia, the free encyclopedia
Pericles (en grèc ancian Περικλῆς / Periklễs, significant literalament "enrodat de glòria"), nascut a Atenas cap a 495 abC e mòrt dins aquesta meteissa vila en 429 abC, foguèt un eminent e influent estratèg, orator e òme d'Estat atenenc durant l'Edat d'aur de la ciutat, mai que mai entre las guèrras Medicas e la guèrra de Peloponès. Èra lo filh de l'òme politic Xantipe e d’Agariste, de la poderosa familha dels Alcmeonides.
Pericles Περικλῆς - Periklễs | |
---|---|
![]() | |
Bust de Pericles portant l'inscripcion "Pericles, filh de Xantipe, atenenc". Marme, copia romana d'après un original grèc de Cresilas (430 abC), musèu Pio-Clementino. | |
Naissença | 495 abC Atenas |
Decès | 429 abC Atenas |
País d'origina | |
Nacionalitat | |
Profession | òme d'estat |
Ocupacion | |
Luòc de trabalh | |
Distincions | |
Pericles faguèt de la Liga de Delos un empèri atenenc e menèt sos compatriòtas durant las doas primièras annadas de la guèrra de Peloponès. Aguèt una influéncia tant prigonda sus la societat atenenca que Tucidides, un istorian contemporanèu, lo qualifiquèt de primièr ciutadan de sa patria e que son epòca es de còps nomenada lo sègle de Pericles. Las fonts sus sa vida son nombrosas mas discordantas ; Pericles marquèt sos contemporanèus e las generacions seguentas a Atenas, dins lo mond ellenistic, puèi roman : existisson nombrosas fonts literàrias anticas a son subjècte que los autors sonde còps que i a venguts de classics. S'illustrèt tanben dins la promocion de las arts, una de las principalas rasons per la quala Atenas ten la reputacion d'èstre lo centre educatiu e cultural del mond grèc antic. Es a l'origina del projècte de bastison de la màger part de las estructuras encara presentas uèi sus l'Acropòli d'Atenas coma lo Partenon.