Pòrt natural

Un pòrt natural (var. pòrt naturau) es una sosta naturala, formada per li còstas ò li islas d'un litoral, que permet d'ancorar una nau. La valor d'un tau pòrt despende considerablament de la configuracion dei còstas. Per exemple, li calancas ofrísson de sostas seguri, mas lu sieus parets bauçoï empachan sovent d'embarcar e de desbarcar de mèrç ò de passatgiers. Per còntra, mai d'una rada presentant de condicions favorabli a aqueli operacions es venguda lo centre d'un vilatge ò d'una vila. Dins aqueu cas, de construccions artificiali permèton generalament de melhorar la sieua configuracion ò de crear d'aferrador suplementaris. Venècia, Nòva York, Sydney, Hong Kong e Lo Cap son d'exemples de pòrts naturals venguts de metropòlis internacionali.

Imatge satellit dau pòrt natural de la basa navala de Pearl Harbor.

Ligams intèrnes

• Pòrt
• Rada

Bibliografia

• Gustav Fochler-Hauke, Verkehrsgeographie, Westermann, Braunschweig, 1957, p. 37.
• Tommy P. Christensen, Vom Naturhafen zum Industriehafen. In: Alte Häfen – Neue Aufgaben. Häfen der Küstenschifffahrt in Skandinavien und Westeuropa gestern und heute, Geschichte der Küstenschifffahrt im 20. Jahrhundert, Bremen, 2006.

Nòtas e referéncias