Operacion Compass
From Wikipedia, the free encyclopedia
From Wikipedia, the free encyclopedia
L'Operacion Compass se debanèt dins lo corrent de la Segonda Guèrra Mondiala dau 8 de decembre de 1940 au 9 de febrier de 1941. Premiera ofensiva aliada sus lo frònt nòrd-african, foguèt menada per lei tropas dau Reiaume Unit e de sei dependéncias (36 000 òmes, 275 carris e 120 canons). L'objectiu britanic èra de reconquistar lei territòris perduts en setembre de 1940 e d'intrar en Libia. Leis Italians (150 000 òmes, 600 carris e 1 600 canons) foguèron desbordats e la màger part de seis unitats foguèt enceuclada.
L'operacion s'acabèt per un succès clar dei Britanics que perdiguèron solament 1 900 òmes (500 tuats, 55 dispareguts, 1 373 bleçats e 15 avions). De son caire, l'armada italiana perdiguèt 118 000 òmes (3 000 tuats e 115 000 presoniers) e una gròssa quantitat de materiaus (400 carris, 1 292 canons e 1 249 avions). Pasmens, l'avançada aliada foguèt arrestada dins lo sector d'El Agheila car plusors unitats foguèron prelevadas per constituir lo còrs expedicionari britanic en Grècia.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
