Nèftis

Nèftis (en egipcian antic nbt-ḥwt, en còpte ⲛⲉⲃⲑⲱ Nevthó, en grèc Νέφθυς Néphthys) es una divessa de l'Egipte antica hilha Not, divessa deu cèu e de Geb, diu de la tèrra; adonc qu'ei tanben la sòr s'Isis, d'Osiris e de Sèt. Deu medish biais qu'Osiris esposè la soa sòr Isis, Nèftis que's maridè dab Sèt. Totun qu'avó un hilh dab Osiris: lo diu Anubis deu cap de chacal. Qu'ei representada potant lo ieroglif qui vòu díser "ostau" suu cap com un capèth. Com la divessa Bastet, qu'ei associada au sistre (instrument de musica de pecussion). Qu'èra mei que mei venerada a Eliopòlis e qu'èra considerada au còp protectriça (e mai que mai protectriça deus faraons estant qu'avèva emparat lo diu Òrus mainatge) e terribla.