Metropòli d'Ais Marselha Provença

La Metropòli d’Ais Marselha Provença (en francés e oficialament Métropole Aix-Marseille-Provence) es un agropament de comunas provençalas a l’entorn de Marselha e d’Ais. Es una metropòli francesa de l’estatut especial creada per las leis 2014-58 del 27 de genièr de 2014^[1] e 2015-991 del 7 d’agost de 2015^[2] que fusiona 6 estructuras intercomunalas a partir dau 1èr de genièr de 2016. Correspond a 92 comunas que 90 son dins lo departament dei Bocas de Ròse, una dins Vauclusa e una dins Var.

Topografia

Metropòli d’Ais Marselha Provença
Métropole Aix-Marseille-Provence

Logo provisòri
Territòri de la Metropòli dins lei departaments dei Bocas de Ròsa (roge), Var (bordèu, a drecha) e Vauclusa (bordèu, en naut)
País	França
Region	Provença-Aups-Còsta d'Azur
Departaments	Bocas de Ròse (90 comunas), Var (1 comuna), Vauclusa (1 comuna)
Superfícia	3 173 km2
Lenga	occitan
Populacion (sens comptes dobles)	1 844 266 (2013)
Còde EPCI	pas disponible
Creacion	2016
President	Jean-Claude Gaudin
Sit oficiau de prefiguracion	ampmetropole.fr

Amb 1 844 266 abitants, la metropòli caup 93 % de la populacion de Bocas de Ròse e 37 % de la populacion de l’ensem de la region de Provença-Aups-Còsta d'Azur.

Per sa populacion constituís la premiera intercomunalitat d’Occitània (que n'agropa aperaquí 11% de la populacion totala) e la segonda de l’estat francés.

Istoric

La metropòli se creèt d’un biais autoritari que leis elegits d’una granda part deis agropaments de comuna èran còntra la fusion.

La quita eleccion dau promier president, Jean-Claude Gaudin, es remesa en causa per un recors au conselh d’Estat. Demòra pasmens en foncions en esperant la decision.

Divisions

Los territòris de la Metropòli

La metropòli es devesida en 6 territòris^[3].

Territòris de la metropòli

Territòri		Communas	Populacion	Sèti	Conselhiers de territòri (2016-2020)	Conselhiers metropolitans
	Territòri de Marselha Provença	18	1 068 168	Marselha	177	131
	Territòri dau País d'Ais	36	393 981	Ais	92	55
	Territòri dau País selonenc	17	101 288	Selon	62	21
	Territòri dau País d'Aubanha e de l'Estèla	12	109 446	Aubanha	61	16
	Territòri d'Oèst Provença	6	100 594	Istre	47	10
	Territòri dau País dau Martegue	3	70 789	Lo Martegue	24	7

Referéncias

1. "Loi n°2014-58 du 27 janvier 2014 de modernisation de l'action publique territoriale et d'affirmation des métropoles", Journal officiel de la République française, n°23. 28 de genièr de 2014. p. 1562. En linha sus lo sit de Légifrance.
2. "Loi n°2015-991 du 7 août 2015 portant nouvelle organisation territoriale de la République", Journal officiel de la République française, n°182. 8 d'agost de 2015. p. 13705. En linha sus lo sit de Légifrance.
3. "Décret n° 2015-1520 du 23 novembre 2015 portant fixation des limites des territoires de la métropole d'Aix-Marseille-Provence", Journal officiel de la République française, n°273. 25 de novembre de 2015. p. 21857. Tèxte n°37. En linha sus lo sit de Légifrance.