Metal gotic
From Wikipedia, the free encyclopedia
From Wikipedia, the free encyclopedia
Lo metal gotic es un sosgenre musical del heavy metal, mai precisament un derivat de l'estili dich death doom. Se desvolopa inicialament a la debuta de las annadas 1990 en Euròpa e als Estats Units.
Lo tèrme metal gotic es ambigú : prèsta a confusion pr'amor que se crei sovent que s'agís d'un sosgenre del ròck gotic, vist que lo heavy metal es el meteis un sosgenre del ròck, mai precisament del hard ròck.
Pasmens, es pas lo cas : lo ròck gotic, de còps apelat cold wave, es eissit de la scèna britanica de la tota fin de las annadas 1970 dicha pòst punk, e es un sosgenre de la new wave, mentre que lo metal gotic, el, es donc un derivat e sosgenre del heavy metal e es aparegut dins las annadas 1990 sonque (Paradise Lost, Tip O Negative, The 3rd and the Mortal, Tiamat), e la majoritat dels grops de metal gotic citan coma referéncia màger lo grop heavy metal Black Sabbath, o de còps Iron Maiden.
Per contra, sus la forma, i a forçadament de còps qualques tematicas, còdis culturals e estereotips de l'univèrs gotic que pòdon partejar a l'encòp los grops de ròck gotic e los del metal gotic, coma per exemple la referéncia al sègle XIX e mai precisament l'èra Victoriana britanica, l'empront als mites macabres d'aquel meteis XIXen sègle (vampirs, demònis etc), e, forçadament, lo còdi vestimentari, lo fach de portar de vestits escurs en simbiòsi ambe l'ambient sinistre de la musica e la negror dels tèxtes.
Fòra de las aparéncias, d'un ponch de vista musical estricte, lo metal gotic se distinguís pasmens netament del ròck gotic, ambe lo qual parteja pas las meteissas raices. Primièr evidentament per l'usatge sistematic de las guitarras saturadas, es quicòm de caracteristic en çò del heavy metal, e es una causa plan rara per contra en çò de la musica dels grops de ròck gotic (en defòra de sigur de The Sisters of Mercy) que la filiacion ambe la new wave es tras qu'evidenta, lo sintetizor essent l'instrument identificant comun a totes los grops d'aquel registre.
Lo metal gotic es tanben conegut per aver popularizat l'utilizacion quasi sistematica de voses femeninas (Theatre of Tragedy, Tristania), fins a crear d'amalgamas, vist qu'aquò a provocat la generalizacion de l'emplec del tèrme metal gotic e mai per de grops d'autres sosgenre del heavy metal per pauc qu'aqueles ajan una cantaira, confusion correnta per exemple ambe lo metal sinfonic de Nightwish o quitament ambe de grops de ròck independent pòst-grunge coma Evanescence. Tan plan, grops coma Marilyn Manson, Oomph! o Rammstein, qu'utilizan eles tanben l'imatjariá gotica, en realitat an pas los critèris de grops de metal gotic autentics : se'n diferéncian musicalament, vist qu'apartenon a d'autres sosgenre del metal e del ròck independent.
Per contra, dos derivats del thrash metal, lo death metal e lo black metal (Cradle of Filth), s'i aparentan mai.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
