From Wikipedia, the free encyclopedia
Los linfocits son de leucocits qu'an un ròtle màger dins lo sistèma immunitari. En tèrmes d'estructura e de foncion, se destria doas linhadas linfocitàrias diferentas: los linfocits B e T.
Al microscòpi, los linfocits apareisson coma de cellulas ovoïdas, nucleadas, que lo nuclèu de granda talha (gaireben 7 μm, es a dire le diamètre d'un globul roge) ocupa gaireben tot lo còs cellular. Sa cromatina es dispausada en mòtas. Los linfocits B e T pòdon pas èsser diferenciats sonque sus de critèris morfologics, mas per la natura de lors receptors de superfícia que determinan lors foncions.
Lo VIH a un tropisme pels linfocits T de sospopulacion CD4 (es a dire los linfocits T expriment a lor superfícia una proteïna nomenada CD4), qu'an un ròtle important dins l'iniciacion de las responsas immunitàrias. Lo VIH i penètra, s'i multiplica, puèi se raja dins la sang quand la cellula CD4 morís. La destruccion dels CD4 provòca l'estadi SIDA declarat de la malautiá (estadi C), o de las infeccions oportunistas son susceptibles de se manifestar: Malautiá de Kaposi, pneumocitòsi, candidòsi, criptococcòsi, linfòma, toxoplasmòsi cerebrala, eca.
Lo VIH infècta un tipe de linfocit particular: los linfocits T4. Quand se multiplican, quitan lo linfocit T4 desborronant çò provòca la mòrt dels linfocits. Lo VIH provòca la mòrt de cellulas immunitaris çò que crèa una deficiéncia del sistèma immunitari a l'origina de l'apareisson d'infeccions oportunistas. Es donc una immunodeficiéncia aquerida.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
