Escrivan occitan e occitanista From Wikipedia, the free encyclopedia
Joan Francés Blanc (Agen, 8 de decembre de 1961[1])[2] es un escrivan e lexicograf occitan, autor de romans, novèlas e articles d'opinion e de vulgarizacion.
Es de paire lengadocian e de maire mitat gascona e mitat chèca.[3] Fa d'estudis d'istòria e de chèc a l'Universitat de Bordèu, e de lingüistica (tractament automatic de las lengas) a París.[3] Trabalha dins la revirada tecnica,[4] puèi dins de societats de servicis informatics.
Dempuèi las annadas 1990 es actiu dins l’occitanisme parisenc[5],[6],[7],[8] e nacional,[9] emai dins de projèctes de lexicografia: sosten lo Gidilòc,[10] encoratja la creacion del projècte DiGaM,[11],[12] publica lexics sul wèb[13],[14], participa a l’edicion del diccionari de Pierre Moureau[15], al lexic informatic publicat per l’IEO en 2009[16] e a la Wikipèdia en occitan[17],[18] e dins d'autras lengas.
Redactor del bulletin Forra Borra de l'IEO París, i publica criticas e punts de vista. En 1996, es demèst los signataris de la crida "escrituras descobertistas"[19] En 1997, crèa la revista de vexillologia Vexil'Òc.[20] Après doas novèlas publicadas dins l’encastre del concors literari Condó Sambeat (Val d'Aran), una en gascon,[21] l’autra en lengadocian,[22] publica en 1998 un roman de sciéncia-ficcion en gascon, Heisei,[23][24],[25],[26],[27] reeditat en 2010.[28],[29],[30] Publica tanben d’articles dins qualques revistas occitanas.[2]
En 2009 crea las Edicions Talvera. En 2010 comença la publicacion de la colleccion Documents per l'estudi de la lenga occitana[31] dins l’encastre de l’IEO París.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.