Lei gas nòbles ò gas rars son leis elements quimics dau grop 18 de la taula periodica. Forman una familha particulara de gas monoatomics fòrça pauc reactius :
| Periòde | Element quimic | Numèro atomic | Familha d'elements | Configuracion electronica | |
|---|---|---|---|---|---|
| I | He | Èli | 2 | Gas noble | 1s2 |
| II | Ne | Neon | 10 | Gas noble | [He] 2s2 2p6 |
| III | Ar | Argon | 18 | Gas noble | [Ne] 3s2 3p6 |
| IV | Kr | Cripton | 36 | Gas noble | [Ar] 4s2 3d10 4p6 |
| V | Xe | Xenon | 54 | Gas noble | [Kr] 5s2 4d10 5p6 |
| VI | Rn | Radon | 86 | Gas noble | [Xe] 6s2 4f14 5d10 6p6 |
| VII | Og | Oganesson | 86 | Indeterminada | [Rn] 7s2 5f14 6d10 7p6 |
La reactivitat quasi inexistenta dei gas nobles es la consequéncia de l'empliment complèt de sei jaç electronics. Dins de circonstàncias particularas, es possible d'obtenir de reaccions implicant lei gas nòbles pus pesucs amb d'elements fòrça oxidants coma lo fluòr e l'oxigèn. L'abondància d'aquelei gas despend de son numèro atomic. L'èli es la segond element pus present dins l'Univèrs mai lo radon, radioactiu, es fòrça rar. Dins l'atmosfèra terrèstra, l'èli es relativament rar car sa massa febla li permet de s'escapar dau camp gravitacionau terrèstre. Lo gas rar pus frequent i es donc l'argon qu'es produch per la desintegracion radioactiva dau potassi-40.
La natura precisa de l'oganesson, identificat en 2006, es pas encara determinada.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
