La francofonia es un tèrme parapluèja per recampar totas las personas que parlan francés coma lenga mairala o non.
Es tanben lo nom d'una organizacion internacionala d'una importància culturala majora.
L'organizacion foguèt fondada en 1970 a l'occasion de la Conferéncia de Niamey (Nigèr). Recampa 56 estats e govèrns, e mai 19 observators (chifras per 2010). Es de notar qu'e mai los membres ajan dat en general un estatut al francés, los observators son mens francofòns. Se tracha puslèu d'estats francofils o qu'utilizan lo francés coma lenga forestièra.
L'Organizacion fa la promocion del multilinguisme e del respècte de la diversitat. Ça que la, dins l'encastre de França, aquel respècte es encara de trobar coma lo o rementa lo Canadian Jacques Leclerc.
Segon l'Organizacion, i a almens 220 000 000 de francofòns en 2010 que sabon legir, parlar, entendre e escriure. Lo nombre real dels que pòdon parlar francés es probablament superior a 250 000 000.
Los qu'an lo francés coma lenga mairala son mens nombroses, de 75 000 000 a 125 000 000 segon los autors e los critèris.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
