Decimus Magnus Ausonius

Ausòni o Decius o Decimus Magnus Ausonius, nascut en Aquitània siá a Vasats (Gironda) siá a Burdigala (actual Bordèu) en 309/310 e mòrt en 394/395 après JC en la villa pairal plaçada en lo vinhal bordalés entre Lengon e La Rèula on se retirèt a la mòrt del sieu protector Gracian, es un professor e conselhièr politic del Bas Empèri roman. Lo sieu paire, Julius Ausonius (287-377), èra mètge, prefècte d'Illiria e archiatre de Valentinian Ier. La siá maire Attusa Lucana Sabina èra la filha del senator Attusius Lucanacus Talisius.

Ausòni es sustot conegut per lo sieu estatut literari : poèta de lenga latina, aquel fin letrat del Bas Empèri occidental es l'autor de vint libres en latin. Mas la literatura francesa lo manten pel premièr representant d'una longa tradicion, la de las letras latinas de l'actual estat francés e de l'emplec del latin dins aqueste país fins als nòstres jorns.