Crisi(del siu títol original Kris) es lo primièr filme realizat pel cineasta suedés Ingmar Bergman en 1946.
|
Crisi | |
|---|---|
| Títol original | ''Kris'' |
| Realizacion | Ingmar Bergman |
| Actors principals | Dagny Lind Marianne Löfgren Inga Langré Allan Bohlin Stig Olin |
| Scenari | Ingmar Bergman d'après un roman de Leck Fischer |
| Musica | Erland von Koch |
| Decòrs | Arne Åkermak |
| Fotografia | Gösta Roosling |
| Montatge | Oscar Rosander |
| Produccion | Harald Molander Viktor Sjöström |
| Societat de produccion | Svensk Filmindustri (SF) |
| Format | Blanc e negre |
| Genre | drama psicologic |
| Durada | 93' |
| Sortida | 25 de febrièr de 1946 |
| Lenga(s) originala(s) | suedés |
| País d’origina |  Suècia |
Se tracha de l'adaptacion del roman danés de Lack Fischer La Bestia maire (Moderhjertet) que li n'impausèt la Svensk Filmindustri mas d'aquò que ne virava lo cineasta que çò diguèt: Me ne seriái quitament trach un filme d'a l'annuari del telefon.
Ja podem trobar pr'aquò dins aiceste primièr filme d'unes tèmas recurrents de son òbra coma ne son las relacions entre maire e filha o lo desespèr existencial de l'èsser uman dins las grandas vilas modèrnas.
Se conta que lo rodatge ne foguèt pro complicat pel jove (28 ans) aprentís cineasta amb un director de la fotografia que daissèt lo filme en cors de filmatge amai la casuda d'un aparelh que provoquèt un ferit dins la còla o de causidas pro costosas de Bergman per d'unes resultats ges evidents.
E se pòt dire que foguèt un fiasco lo filme a sa sortida publica.
Sinòpsi
Lo filme nos conta l'istòria de Nelly, una joventa de 18 ans que viu una vida tranquilla dins un vilatge de la còsta amb la siá maire adoptiva Ingeborg e ensenhaira de piano.La s'abariguèt dempuèi tota pichona malgrat la siá santat pro fragila.
Al vilatge arriba la vertadièra maire Jenny, que pro lèu es considerada coma portaira d'escàndol amb los sius biaisses de viure e lo sieu comportament.
N'es pivelada Nelly que la seguís fins a Estocòlme, atracha per la vida excitanta e audaciosa que li ofrís la granda ciutat.
Mas pro lèu li ne van tornar recòrds vièlhs... Se ne va mainar d'ailò tant escur de l'umanitat e de sas junglas urbanas. N'acabarà aprèp moltas peripecias a s'esposar Ulf, un jove veterinari, lo gojat que dempuèi totjorn èra enamorat d'ela, quitament s'ela ne parteja ges los sieus sentiments.
Interprèts e personatges
- Dagny Lind: Ingeborg
- Marianne Löfgren: Jenny
- Inga Landgré: Nelly
- Stig Olin: Jack
- Allan Bohlin: Ulf
- Ernst Eklund: oncle Edvard
- Signe Wirff: tanta Jessie
- Svea Holst: Malin
- Viktor Andersson: un musician
- Anna-Lisa Baude: una clienta
- Julia Cæsar: la molhèr del cònsol màger
- Gus Dahlström: un musician
- Sture Ericson: un musician
- Karl Erik Flens: l'acompanhator de Nelly
- Holger Höglund: musician
- Ulf Johansson: un musician
- Arne Lindblad: lo cònsol màger
- John Melin: un musician
- Dagmar Olsson: una cantaira
Analisi
N'apareis dins aiceste filme un dels tèmas que puèi se senhorejaràn tota la siá òbra futura, valent a dire lo del conflicte entre las generacions e las relacions entre femnas que, coma çò n'escriguèt n'Alfonso Moscato, representa un rescontre que, equilibrat en periòde de normalitat, n'es çai agusat pel materialisme dominant dins la societat d'aprèp-guèrra.
Un conflicte que lai ne son centralas sonque Nelly e Ingebor... Los autres personatges ne son sonque satellits que s'enriquesisson l'òbra de valor umana.
Per exemple lo personatge de Jack n'es tras qu'interessant, una mena de colcavestit de l'arma modèrne, ric de sòmis e paure de realitat mas totun segondari dins l'anament general del filme.
Sols solets los remòrses, l'inexperiéncia e la dolça ingenuitat de Nelly pòdon èsser considerats coma leitmotiv d'aiceste primièr opus bergmanian.
vejatz tanben
Ligams extèrnes
- (en) Crisi sus IMDb
Nòtas & referéncias
<references>
[[DEFAULTSORT:Crisi (filme 1946)}}
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
