vila màger d'un Estat sobeiran o d'una region. From Wikipedia, the free encyclopedia
En politica, una capitala es al sens pròpri una vila qu'es associada al govèrn d'una region administrativa especifica que n'es lo sèti.[1] Lo mot ven del latin caput (genitiu caputis) que significa «cap, tèsta».
Lo tèrme capduelh (capdulh en gascon), capluòc (var. capluec, caplòc, chapluec, chapluòc)[2] o encara chapviala es tanben emplegat per designar la capitala d'una subdivision administrativa.
Istoricament, lo principal centre economic d'un Estat o d'una region es sovent vengut lo centre del poder politic, venent la capitala per conquista o federacion. (La vila modèrna, pasmens, non a totjorn existit: en Euròpa Occidentala a l'Edat Mejana, lo governament itinerant èra corrent). La capitala trai naturalament las personas politicament motivadas e possedissent las competéncias necessàrias per administrar eficaçament los govèrns nacionals o imperials, coma los avocats, los politològs, los banquièrs, los jornalistas e los politicians.