La cauna de la Mota, del Paleolitic Superior, se tròba a las Aisiás de Taiac, en Sarladés, dins la region istorica de Peiregòrd e lo departament de Dordonha.
Es la quatrena cauna pintada paleolitica descobèrta dins lo mond, en 1894, après Altamira, Chabòt e Par non Par.
En 1895, al cors de las cèrcas del site, Émile Rivière desgatgèt un tunèl de 100 m ligant l'intrada a la partida ondrada. La cauna embarra pus de 200 gravaduras e pinturas de bisonts, cavals, rangièrs, felins, lop mas tanben doas mans e un tectifòrme. Lor descobèrta contribuiguèt a la reconeissença de l'art preïstoric.
Venguèt monument istoric l'11 de junh de 1953. Fa partida del Patrimòni Mondial de l'Umanitat de l'UNESCO dempuèi 1979, en associacion amb d'autres sites e caunas pintadas de Peiregòrd jol nom de «Sites preïstorics e caunas ondradas de la val de Vesera».
Uèi, es barrada per de rasons de proteccion e de sèrva.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
