From Wikipedia, the free encyclopedia
Un BLEVE (abreviacion de l'anglés « boiling liquid expanding vapor explosion ») designa un fenomèn de vaporizacion violenta, de natura explosiva, d'un liquid après la rompedura brutala de la sèrva lo contenent. Aquò pòu aver luòc amb totei lei liquids, inflamables ò non, somés a un apòrt termic constrech dins una encencha rigida e ermetica que lo pòrta a una temperatura superiora a son ponch de bolhiment dins lei condicions normalas de temperatura e de pression. Ansin, i a de BLEVE « fregs » (rompedura d'una sèrva a temperatura ambienta, etc.) e « cauds » (rompedura après un incendi, etc.). Lei contenents son generalament de tinas ò de sèrvas en mitan industriau e de camions cistèrnas ò de vagons cistèrnas dins lo domeni dau transpòrt de produch. Dins la màger part dei cas, lo liquid regardat es lo gas de petròli liquefiat (GPL).
Lo BLEVE es una menaçada redobtada dins leis industrias estocant de gas liquefiats sota pression. Per limitar lo risc, lei sèrvas son generalament dotadas de sopapas de seguretat que permèton d'evacuar la pression e de contraròtlar lo bolhiment avans la rompedura dau paret. Pasmens, aquelei sopapas son pas totjorn sufisentas per redurre rapidament una pression excessiva. De mai, en certanei cas, per exemple, un vagon cistèrna reversat, la sopapa es pas foncionala.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
