From Wikipedia, the free encyclopedia
Una autocracia es una filosofia o forma de govèrn que lo poder politic es representat per una sola persona. Lo tèrme autòcrata ven del grèc autokratôr (literalament "autogovernant" o "lo governant per se meteis"). Los concèptes opausats son l'oligarquia, lo govèrn d'una minoritat o d'un pichon grop e democracia, govèrn de la majoritat, lo pòble.
A l'ora d'ara aquel tèrme es sinonim de despotisme, tirania o dictatura, un govèrn exercit per un individu que possedís un poder illimitat o absolut o que reconeis pas cap d'autra limita. L'autocracia, pasmens, es pas sinonim de totalitarisme, donat qu'aquel concèpte foguèt fabregat per distinguir los regims modèrns que sorgiguèron a partir de 1930 e las dictaturas tradicionalas. Tanpauc es pas sinonim de dictatura militar, donat qu'una dictatura militara pòt aver la forma d'una "presidéncia collectiva" (coma las "juntas sud-americanas"). Pasmens, l'autocaàcia pòt aver de caracteristicas de totalitarisme e dictatura.
Lo concèpte de "monarquia" se destria d'aquel de l'autocracia, donat que lo primièr compòrta un títol ereditari. Mai, lo poder real del monarca, a l'ora d'ara, pòt èsser limitat o simplament cerimonial. Istoricament los monarcas governavan autocraticament, mas, amb lo temps, lor poder mermèron o foguèt eliminat amb l'apareicion de las primièras constitucions que donavan al pòble lo poder per prene de decisions mejans de còrsses representatius de govèrn.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.