Alan Stivell, nascut Alain Cochevelou (Riam, Auvèrnhe, 6 de genièr de 1944) es un cantaire, cantautor e musician breton. Autor musical dels mai famoses, milita activament per la reconeissença e difusion de la cultura e de la lenga bretonas. A mai de cantaire tòca tanben mantun instrument d'origina cèlta coma l'arpa o la bodega demest maites autres.
Lo futur Alan Stivell nasquèt a Riam en 1944 dins una familha bretona, originària de Morbihan del costat de son paire, que s'èra installada en Auvèrnhe en seguida de la Segonda Guèrra Mondiala. I demorèt pas gaire pr'aquò que qualques meses aprèp sa naissença la familha mudèt a París ont passèt tota sa joventut, tot en anar pasmens passar sovent qualque temps en Bretanha. A l'edat de cinc ans, comencèt a recebre de leiçons de piano classic mas aquelas suscitèron pas l'interès del jove musician. Durant son enfància e adolescéncia s'interessèt a la sciéncia ficcion, al modernisme e al futurisme. Foguèt escolan al Licèu Voltaire a París abans de venir estudiant d'anglés a la Facultat de Letras de París 3 e de lingüistica a la Sorbonne e tanben a l'Universitat de Rennes ont passèt un certificat de celtic. Foguèt a l'École pratique des hautes études que descobriguèt melhor la literatura medievala galesa e gaelica.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.