Lo 110 mètres baranhas es una espròva d'atletisme reservada als òmes ; l'espròva equivalenta per las femnas es lo 100 mètres baranhas. Consistís a percorir la distància de 110 mètres en passar dètz baranhas d'una nautor de 1,06 m distantas entre elas de 9,14 m. Inspirat de las corsas ipicas de steeple-chase, la disciplina vegèt lo jorn al mitan del sègle XIXen dins las universitats britanicas jos la forma d'un 120 yards. Present tre los primièrs Jòcs de l'èra modèrna en 1896, lo 110 m baranhas faguèt sempre partit del programa olimpic. Lo recòrd del monde de l'espròva es a l'ora d'ara detengut per l'american Aries Merritt, autor de 12 s 80 lo 7 de setembre de 2012 durant lo meeting Memorial Van Damme de Brussèlas.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
