Yap

Yap es un archipèla de Micronesia e un dels 4 Estats federats de Micronesia. La capitala n'es Colonia.

Estat de Yap Yap State
País	Estats federats de Micronesia
Capitala	Colonia
Superfícia	308 km², dont 100 km² de tèrras
Lengas oficialas	yapés, anglés
Populacion	11 377 (recensament de 2010)
Latitud	9° 32′ N
Longitud	138° 07′ È
Creacion	1986
Governador	Henry Falan (2019)
Sit oficial	https://web.archive.org/web/20220204224312/https://www.yapstategov.org/

Geografia

Yap es un archipèla situat dins las illas Carolinas. Es constituït de quatre illas, separadas per de destreches pauc largs, e enrodat d'una barrièra de coral.

Demografia

l'arqueologia e las fonts istoricas indican que la populacion deviá èsser de 8 000 abitants vèrs 1900 e que declinèt per aténher un minimum de 2 500 vèrs 1945.

La lenga de l'archipèla es lo yapés, una lenga oceaniana qu'es isolada dins aquel grop. Fa pas partida de las lengas micronesianas. L'anglés es vengut una lenga d'usança a Yap, que lo territòri foguèt american de 1947 a 1986.

Istòria

Las illas foguèron descobèrtas per los navegadors portugueses, abans de passar jos la dominacion de l'Espanha. Amb sa desfacha en 1898, dins la guèrra de las Filipinas, Espanha cedèt Yap a Japon. La segonda guèrra mondiala veguèt la fin de l'empèri colonial japonés en Pacific. Yap foguèt integrat dins los territòris jos tutèla americana. En 1986, venguèt, un dels quatre estats dels Estats federats de Micronesia.