Wikipèdia:AcuèlhLutzSus/26 de març de 2015
From Wikipedia, the free encyclopedia
Los acarians (Acari o Acarina) son un taxon d'aracnids. Son de talha generalament minuscula : d'unes son microscopics, e mesuran pas que qualques desenats de micromètres, los mai grands depassan pas 2 cm (levat las langastas gavadas de sang que dins las espècias tropicoeqüatorialas pòdon aténher la talha d'una « bèla » cerièsa). Lo còs es particularament compacte per un artropòde acausa de la fusion del prosòmi (l'equivalent del cefalotorax d'autres artropòdes) e de l'opistosòmi (o abdomèn) en una massa unida e de la quasidesaparicion de las traças de segmentacion. Existisson prèp de 50 000 espècias repertoriadas, mas la diversitat vertadièra del grop es probablament superiora al milion d'espècias. La varietat de lors mòdes de vida (abitat, nicha ecologica, mòde d'alimentacion…) es sens egala en çò dels Aracnids.
![Thumb image](http://upload.wikimedia.org/wikipedia/commons/thumb/3/33/Yellow_mite_%28Tydeidae%29%2C_Lorryia_formosa_2.jpg/640px-Yellow_mite_%28Tydeidae%29%2C_Lorryia_formosa_2.jpg)