Wikipèdia:AcuèlhLutzSus/12 d'agost de 2014
From Wikipedia, the free encyclopedia
Ahimsa (en sanscrit: IAST:ahiṃsā ; devanāgarī: अहिंसा) significa non-violéncia o respècte de la vida. Es tanben un concèpte de la filosofia indiana qu'es en rapòrt amb la benvolença. Lo mot ahimsa designa literalament « l'accion o lo fach de causar cap de prejudici a degun », himsa significant « accion de causar de prejudici, nafra » e a- essent un prefix privatiu. Es interpretat de biais diferents, mai sovent coma un biais de relacion pacifica amb tot èsser vivent.
![Thumb image](http://upload.wikimedia.org/wikipedia/commons/thumb/3/3c/Lord_Mahavir_Gold.jpg/320px-Lord_Mahavir_Gold.jpg)
L'ahimsa es una compausanta importanta de l'indoïsme, del bodisme, e del jaïnisme que l'aplicant estrictament. Lo sikhisme defend tanben aquela valor tot coma l'egalitat sociala. Aquel tèrme apareis dins la Chandogya Upanishad qu'aparten a l'ensems de las Mukhya Upanishads. Aquela Upanishad es una de las mai ancianas (-500).