Universitat de Harvard

L'Universitat de Harvard (Harvard University), o pus simplament Harvard, es una universitat privada estatunidenca situada a Cambridge en Massachusetts. Fondada en 1636, es considerada coma l'establiment d'ensenhament superior mai ancian dels Estats Units^[1]

Harvard, edificis ancians de l'Universitat

Blason de l'Universitat : Veritas (latin), Vertat

A l'ora d'ara, Harvard es una de las universitats americainas mai prestigiosas. Mai de 40 titulars del Prèmi Nobel sòrton d'Harvard. Segon lo Classament academic de las universitats mondialas es la numèro un (aquel classament, en anglés Academic Ranking of World Universities, es establit per de cercaires de l'Universitat Jiao Tong de Shanghai). Fa partida de la Ivy League, associacion informala amassant las uèit universitats mai ancianas e mai famosas dels Estats Units. Harvard es tanben l'universitat pus rica del mond. Lo còs ensenhant es constituit de 2497 professors, per 9 715 estudiants undergraduate (primièr cicle) e 15 424 estudiants graduate (segond e tresen cicles). Harvard atira d'estudiants del mond entièr (132 nationalitats representadas en 2004^[2]).

Nòtas

1. "Higher education in America began with Harvard": Rudolph, Frederick [1961] (1990). The American College and University. Athens, Georgia: University of Georgia Press. ISBN 0-8203-1284-3. , p. 3
2. Sit d'Harvard en francés

Ligams extèrnes

• (en) Sit web oficial de l'Universitat de Harvard