![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/61/Type_62_tank_-_above.jpg/640px-Type_62_tank_-_above.jpg&w=640&q=50)
Tipe 62
From Wikipedia, the free encyclopedia
Lo Tipe 62 es un carri leugier chinés desvolopat au començament deis annadas 1960 e intrat en servici en 1963 dins l'armada chinesa. Foguèt creat a partir dau Tipe 59 qu'èra tròp pesuc per operar dins lei regions montanhósas dau sud dau país. Per aquò, foguèt dotat d'un canon de 85 mm e d'un blindatge pus febles. Son sistèma electronic èra tanben mens sofisticat.
![Thumb image](http://upload.wikimedia.org/wikipedia/commons/thumb/6/61/Type_62_tank_-_above.jpg/640px-Type_62_tank_-_above.jpg)
1 500 unitats son estadas produchas fins a 1989. Conoguèron tanben divèrsei modernizacions successivas, especialament au sen de l'armada chinesa. Lo Tipe 62 foguèt utilizat durant la Guèrra de Vietnam e la Guèrra Sinovietnamiana. I subiguèt de pèrdas importantas car son blindatge es tròp feble per arrestar lei tirs de roqueta e de missil. Dempuei aquelei conflictes, lei Tipe 62 son generalament utilizats per la reconoissença, lo sostèn de l'infantariá e la lucha còntra lei veïculs leugiers.