Tèrratremol de Mexic de 1985
From Wikipedia, the free encyclopedia
Lo tèrratrem de Mexic de 1985 es un seisme que se produguèt a 07:17:47 ora locala (UTC-6), lo dijòus 19 de setembre de 1985, qu'atenguèt una magnitud de 8.1 (MW) en l'Escala de Richter. L'epicentre se localizèt dins l'Ocean Pacific mexican, prèp a la boca del riu Balsas sus la còsta de l'estat de Michoacán, e a 15 quilomètres de prigondor jos la rusca terrèstra.
Lo seïsme toquèt la zòna centre, sud e occidetala de Mexic, subretot lo Districte Federal, ont se sentiguèt a 07:19 ora locala. Es lo mai important e mortifèr de l'istòria escricha d'aquel país e dins sa capitala, despassant en intensitat e damatges aquel enregistrat en 1957, que fins èra alara lo mai important dins la Ciutat de Mexic.[1] Cal tanben destacar la replica venguda un jorn après, la nuèch del 20 de setembre de 1985.
Malgrat que siá situat a 390 km de l'epicentre, la capitala patiguèt de fòrce damatges donat qu'es situada al luòc d'un lac assecat artificialment, de bias que sus un jaç de ròca i a un jaç d'argila variabla e de tèrraplens.[2][3][4][5] Donat que la velocitat de propagacion de l'onda sismica es diferenta dins la ròca e los assadolaments, se rebatent entre ponch de contacte e los materials, en concentrant los damatges dins una zona, agravant encara mai que la capa d'argila pren l'energia sismica en fa mai long lo periòde de movement liure. [6][7]
Un bilanç oficial donèt près de 10 000 morts e 50 000 blessés, alara que la chifra de 30 000 pèrdas umanas es uèi atestada. Encara, mai de 50 000 immòbles foguèron destuits[8]