Svyatoslav Ivanovych Vakarchuk (en ucraïnian: Святосла́в Іва́нович Вакарчу́к; Mukacheve, 14 de mai de 1975) es lo cantaire e menaire del grop ucraïnian Okean Elzy, una de las formacions de musica rock mai famosas d'Ucraïna. La revista ucraïniana Korrespondent lo classifiquèt demest las 100 personas mai influentas en Ucraïna (en 2008 ocupava la 55a posicion).[1]
Svyatoslav Vakarchuk es lo filh d'Ivan Vakarchuk, un professor de fisica de l'Universitat de Lviv que tanben foguèt Ministre d'Educacion e Sciéncia jol govèrn de Víktor Ioshchenko. Estudièt la fisica a l'Universitat de Lviv e obtenguèt son diplòma de fisica teorica. Svyatoslav, un dels musicians mai apreciats e coneguts d'Ucraïna amb son grop Okean Elzy, intervenguèt plan activament del temps de la Revolucion iranja, e i donèt un brave supòrt. Participa tanben a divèrses projèctes socials e culturals.
Durant las eleccions parlamentàrias del 30 de setembre de 2007 se presentèt coma candidat independent sus la lista de Nòstra Ucraïna (i foguèt lo n°15). Puèi participèt al comitat parlamentari per çò qu'es de las questions de libertat d'expression dins lo Parlament ucraïnian. A la debuta de 2008 renoncièt a son mandat per encausa de la crisi politica que comencèt a afectar Ucraïna aquel an.[2] Al costat de sa carrièra dins la formacion Okean Elzy, en 2008 Svyatoslav Vakarchuk entamenèt un projècte de solista a mai se l'album "Vnochi" ("de nuèch") poguèt comptar sus la participacion de divèrses membres del grop e tanben d'autres musicians prestigioses.
Vakarchuk respondèt corrèctament a totas las questions de la version ucraïniana de Who Wants to Be a Millionaire? e se ganhèt lo prèmi d'1 milion de hryvnas.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.