La Societat dei Nacions (SDN) èra una organizacion internacionala introducha per lo Tractat de Versalhas de 1919 signat après la Premiera Guèrra Mondiala (1914-1918). Son objectiu èra de mantenir la patz en Euròpa e de favorizar lo desarmament, la prevencion dei guèrras gràcias au principi de seguritat collectiva, la resolucion dei conflictes per la negociacion e lo melhorament generau dei condicions de vida de la populacion.
L'importància donada a la negociacion collectiva e a la diplomacia marcava una rompedura fondamentala a respèct dei principis guerriers dei sègles precedents. Pasmens, coma la Societat aviá ges de fòrça armada pròpria, èra dependenta dei grandei poissanças per l'aplicacion de sei resolucions. Òr, leis estats èran generalament pas lèsts a donar lei mejans necessaris. De mai, leis Estats Units d'America refusèron de faire partida de la Societat, çò que limitèt son influéncia. Ansin, après divèrsei succès e reviradas dins lo corrent deis annadas 1920, la SDN foguèt totalament incapabla d'empachar leis agressions successivas dei país de l'Axe dins leis annadas 1930 a l'origina de la Segonda Guèrra Mondiala. La Societat dei Nacions es donc generalament considerada coma una revirada e foguèt remplaçada per l'Organizacion dei Nacions Unidas (ONU) en 1945.
Liames intèrnes
Bibliografia
Nòtas e referéncias
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.