Cadena de montanha

Una cadena de montanha(s)^{[1][2][N 1]}, tanben cridada una serrada, rancareda, o sèrra / serra^{[N 2][1]}, es un relèu d'altitud amassant mantuna montanha (cimas, pics, monts e autres agulhas) e presentant una longor fòrça mai granda que sa largor. Una cadena particularament longa e estrecha es qualificada de sèrra. L'origina geologica d'una cadena de montanhas s'explica per la tectonica de las placas. Es la consequéncia siá de la collision de doas placas continentalas, siá de la subduccion d'una placa oceanica jos una placa continentala o jos una autra placa oceanica.

Vista de satellit de la cadena dels Alps.

Los Andes, la mai longa cadena de montanhas a la susfàcia de la Tèrra, an un impacte considerable sul climat d'America del Sud.

Las dorsalas oceanicas son representadas per una linha roja.

Lo Namcha Barwa Himal, partida èst de l'Imalaia vist de l'espaci per Apollo 9.

Variantas dialectalas

En divèrsas varietats occitanas, la paraula cadena pren las formas cadea, cadenha, cadia, chadena, chadeira, chaina, chaena, cheina^[1].

rancareda es un tèrme lengadocian e provençau per una cadena de ròcs arids^[1][3], mas pòt descriure una cadena de montanhas^[1]. Mistral inclús una varianta, rancadèro dins son ortografia, dont rancadera o rancadèra en nòrma classica. Es citada coma forma lengadociana, mas es possible qu'es gascon en realitat.^[3]

Nòtas e referéncias

Nòtas

1. cadeno de mountagno en nòrma mistralenca, veire dins lo Tresaur dau Felibritge
2. serro, sarro en nòrma mistralenca, veire dins lo Tresaur dau Felibritge

Referéncias

1. «Cadena de montanha» (en francés). Multidiccionari Occitan Dicod'Òc. Congrès permanent de la lenga occitana.
2. Toscano, Reinat. Diccionari de lenga d'òc d’après lo parlar niçard. Auba Novèla.