Semovente da 90/53

Lo Semovente da 90/53 es un canon d'assaut italian de 90 mm utilizat durant la Segonda Guèrra Mondiala. Produch a solament 30 exemplaris, deviá provesir una poissança de fuòc suplementària ai tropas italianas engatjadas còntra lei KV-1 e lei T-34 sovietics. Per aquò, foguèt concebut a l'entorn d'un canon antiaerian poderós e precís. Foguèt installat sus un quadre de carri Fiat M14/41. Aquela chausida èra un fònt de problemas car empachava de dotar lo 90/53 d'un blindatge eficaç, d'un motor li permetent de se desplaçar rapidament e d'una resèrva vertadiera d'obús^[1]. Aquelei limits empachèron pas son intrada en servici car lo 90/53 deviá combatre seis adversaris a distància, mai limitèt fòrça sa produccion.

Fotografia d'un Semovente da 90/53.

24 exemplaris recebuts per l'armada italiana formèron un regiment desplegat en Sicília còntra leis Aliats. I foguèron mai que mai utilizats coma caçaires de carris e destruchs ò capturats durant lei combats. Leis Alemands sasiguèron lei 6 exemplaris gardats en resèrva e leis utilizèron per seis operacions dins la peninsula.

Liames intèrnes

• Canon d'assaut.
• Carri Fiat M14/41.

Bibliografia

Nòtas e referéncias

1. En particular, de carris L6/40 foguèron transformats per portar leis obús necessaris a una utilizacion operacionala.